喺清萊，沿著Kok River有好多餐廳、cafe都好靚！星期六中午，牛夫人去左一間田園風既白木屋cafe - Chivit Thamma ，整間cafe棕色木地板及白色牆身為主。 由清萊市中心開車往cafe大約需時10分鐘，由於cafe門外只有一條小路，加上假日客人較多，職員指示我地泊喺路口旁既露天停車場，與cafe相距約50米。 白木屋外種滿綠色植物，為cafe築起天然屏障。 牛夫人推介 雜果希臘乳酪 份量十足 本身點左個冷盤 - Avocado Spirulina Super Green Bowl ，相信佢整左另一個Greek Style Yogurt with Homemade Granola and Tropical Fruits，皆因說好的牛油果一片都搵唔到，但賣相咁靚都唔忍心換，而且Yogurt有驚喜，充滿花生同果仁既味道，讚！有大食美譽既牛夫人都表示so full，最初打算點多個蛋糕同友人分享，念頭都被打消了！ 生酮飲食必選 杏仁奶泡沫咖啡 飲品方面離不開夫人最愛既咖啡，點左杯Cappunccino，再讚既係可以免費用almond milk沖，適合生酮飲食人士，配上肉桂條，成杯咖啡香味昇華，如果你想要有latte art就記得要點其他咖啡啦！ 友人點左Carbonara（無讚無彈就係正常）同蜂蜜薑茶，但大熱天時勸大家諗清楚先叫薑茶，飲完包你全身發滾！ 走進木屋既左邊有五張四人枱，右邊側為蛋糕櫃及水吧。 cafe四處都有不同擺設，可以盡情影相！泰國人其實都好友善，只要靜靜地唔好騷擾到其他客人，某程度上佢地都隨你周圍影。 點擊圖片放大 +2 食飽飽，補補妝，就走左入去玻璃屋入面影左「幾」張相留倩影。幸運既係剛岩玻璃屋內既客人走左，牛夫人簡直可以佔盡有利位置。唯一問題就係屋內莫名地有好多蒼蠅（或者其實係泰國特色）不停飛黎飛去，但職員同當地客人都好似習以為常，視蒼蠅於無物，我地惟有快手快腳影完就走啦！ 穿過木屋既另一邊有露天座位，可以望到河畔園景。可惜我地趕行程，河畔園景就後會有期啦！ 順帶一提，cafe同藍廟非常之近，真係「轉個彎就到」，所以食完之後，我地就去藍廟一趟啦（約2分鐘車程）！ Chivit Thamma Da Coffee House, Bistro & Bar 地址：179 Moo 2 | Rim Kok, Chiang Rai 57000, Thailand (地圖) 電話：+66 81 984 2925 IG @iamcowslady
