位於清萊Kok River旁邊既De Lanna Riverfront Café & Restaurant，由清萊夜市或清萊機場開車往餐廳，車程分別需要大約10-12分鐘，餐廳外留有一片空地可以泊車。 餐廳好大，分兩個區域，想睇河景可以坐室外，其中一邊有鐵皮蓋頂；室內係Cafe，但都提供restaurant menu，cafe以落地玻璃包圍，室內既天花、地板仲有餐桌都選用木材，感覺好warm，而且只放6張枱，富空間感。 到步當晚係星期五，無想到晚上8點，成間餐廳都只得2枱客喺室外，怕熱既牛夫人選擇有充足空調既室內Cafe，順理成章包場啦！ 煎鴨胸扒 一試難忘 餐廳食品選擇都好豐富，泰式西式應有盡有，牛夫人點左煎鴨胸扒伴鮮橙果醬，友人點左燒雞扒。 平時香港好多時食既係鴨胸片，今次係鴨胸扒，感覺份外不同。 一切開d肉汁ba ba 聲咁流，肉汁鮮嫩，好軟熟，再配埋香甜鮮橙汁，完全沒有違和感，超讚！ 試左件雞扒，味道都幾好。當然餐牌內都有好多好吸引既菜式，有機會一定再黎食過！ 點左杯Latte同朱古力，留意返呢間cafe只用full cream milk沖咖啡。 可能餐廳同清萊市中心有一段距離，由坐低到埋單一刻都無其他客人，完全享受寧靜，唯一係侍應們都企定定喺附近隨時候命，少不免會覺得被人監視著。不過侍應們都好好，見到我地兩個女仔又揸相機又揸燈，手忙腳亂，都好主動提出幫忙影相。 De Lanna Riverfront Café & Restaurant 地址：211/7 Moo 20, Kwae Wai Rd., Chiang Rai 57000, Thailand (地圖) 電話：+66 52 050 808 IG @iamcowslady
