蜘蛛俠NO WAY HOME 上咗好耐啦喎﹐大家睇晒未？講起蜘蛛俠﹐我見好多無論東西方啲觀眾都覺得Toby版先係正版蛛蜘俠﹐其中一個原因我估係﹐好多後生仔睇過蛛蜘俠3跳舞meme後先睇套戲﹐就覺得"哎呀﹐好經典呀﹐適逢其會呀。＂但當年入場睇啲觀眾明明想嚟睇超級英雄結果你無端端整場咁嘅戲搞到變cult片﹐個個x晒老母㗎。我稍為睇過原版漫畫﹐會覺得Tom版更接近原著﹐原著漫畫spidey就係好鬼多咀﹐又好鍾意同其他Superhero打交道。當然﹐Toby版蛛蜘俠成日閃閃縮縮·想溝又唔敢開口﹐的確比較值得現代啲獨處男意淫嘅。回正題﹐好多仇女囝認為 Endgame 眾女集結係向女權屈服﹐找bug囝又話成班女突然聚埋一齊好唔合理。復仇者班友個個四十幾五十歲﹐加埋Thor平均年齡直情直逹百幾二百﹐呢班大媽聽到有個十幾二十歲嘅小鮮肉出現﹐個個八卦走去望吓都唔出奇吖。再講﹐美隊三內戰嗰陣個個隻揪隻﹐冇理隊友嘅。我估班復仇女Group Chat時係咁嘅...點擊圖片放大 到大媽團番生後見到班復仇者又係由得條細路單打獨鬥攬住關鍵物四圍走﹐仲唔集體保謢佢咩。幕後花絮：篇嘢打左好耐﹐第一句本來係＂蜘蛛俠NO WAY HOME就上啦﹐大家期唔期待呀？＂後來改做"蜘蛛俠NO WAY HOME上咗啦﹐去咗睇未？＂博有啲友search"NO WAY HOME"唔小心click入嚟。謝謝觀看。
