諗翻起第一次整饅頭, 真係慘不忍睹. 今次成功整出香噴噴既奶香小饅頭.. 心裡有點自豪感. 小小一粒,特別適合小朋友吃. 一出爐 呢個小朋友就食左2粒 仲不停讚好吃. 再配上一小碟煉奶, 非常香甜可口. 材料: 低筋面粉300克|水150克|烘焙奶粉15克|砂糖40克|酵母3克|泡打粉2克|鹽1克 將酵母倒落水中化開, 靜置約5分鐘. 將奶粉,砂糖,泡打粉, 鹽倒落低筋面粉, 攪至均勻. 慢慢倒入酵母水, 攪拌成面絮. 用手將面團揉至光滑 把面團放到溫暖既地方發酵至2倍大 可以放係暖水上發酵(大約30分鐘) 預備少量低筋面粉(約30克) 將發好既面團取出排氣, 重新揉勻. 拍扁面團, 撒上少少面粉, 用面杖推開. 左右分別折去中間, 將面團轉個方向, 撒上面粉, 再推開. (重覆以上步驟4-5次) 饅頭先會更有口感 將面團推開, 底部壓扁少少. 將面團卷起, 再搓長少少 將面團平均切開, 呢個份量可以整到16個小饅頭及2朵小花. 放入鍋裡, 靜置發酵20分鐘左右. 凍水上鍋, 蒸約20分鐘. 關火後, 不要即放開鍋, 靜至5分鐘再打開. 這樣出爐的饅頭先不會皺皮. 又香又軟又有彈性既饅頭就完成啦！ 仲有一點點小心得可以分享比大家: 1. 落少少鹽可以提高饅頭的風味, 少少就夠了, 太多會咸. 2. 用奶粉會比用牛奶更加有奶香味 3. 一定要用低筋面粉, 先會鬆軟 4. 加少少泡打粉, 凍左之後都一樣鬆軟 FB: 90後 遊花園 IG: iam90sgarden
