回憶， 讓每件事物都有意義地倍增出現在你的世界。 剩低左3隻蛋黃, 點算好？ 可以整呢個蛋黃餅. 超級簡單. Yuna寶寶一啖一粒 超喜歡. 仲充滿住媽咪既童年回憶. 材料: 蛋黃3隻|砂糖30克|低筋面粉50克 工具: 面粉篩|打蛋器|密實袋1個 蛋黃加入砂糖, 打發至微黃色. 篩入低筋面粉, 再攪勻. 由於屋企無唧袋.可以用密實袋代替.係尖尖位剪個小孔就可以啦. 預熱焗爐. (由於我屋企個焗爐無度數,我只係預熱10分鐘.) 正常: 170度 預熱15分鐘 將攪好既蛋黃漿放入密實袋, 唧係焗爐紙上面. (記得每一粒中間要預留位置.會發大架) 如果覺得太高, 可以用匙羹點少小水壓一壓定形. 放入已預熱既焗爐焗5-8分鐘, 見到邊邊金黃色就完成啦. (焗即時間要視乎餅仔大少, 及每個焗爐都會有不同)
