喺美麗華附近嘅一條街. 有一間門口裝飾得好日式嘅餐廳. 吸引咗我哋入去試吓 估唔到入面嘅裝修都好靚. 完全同日本嘅居酒屋裝修好似🇯🇵特別最近臨近聖誕節. 店舖內嘅聖誕氣氛好濃厚 雖然係lunch time. 但我哋對好多嘢食都好有興趣.😝所以除咗Lunch set另外都嗌多幾樣食物 🦀味增甲羅燒店員會先將甲羅燒擺喺枱面俾我哋影相打卡🤣等我哋影飽先會放上爐上面即場燒甲羅燒嘅味道濃郁甘香. 但唔會有苦澀味 🐖黑豚蘆筍卷豚肉燒得焦脆. 有淡淡的油脂香蘆筍爽脆鮮甜. 可以昇華黑豚嘅味道 🍣壽司定食配湯烏冬每件都係手握壽司. 飯粒唔會散開而且醋嘅份量適中壽司每件用料都好新鮮. 完全唔係連鎖店質素😎 🦐海老天丼天婦羅嘅份量好多. 有海老、茄子、南瓜等等每件嘅炸粉都唔會好厚. 而且好脆亦唔會好油膩海老大大隻好彈牙. 茄子鮮嫩多汁. 南瓜係日本南瓜好香😎 因為試過朋友嘅其中一件天婦羅之後覺得好好食. 就再嗌多咗個雜錦天婦羅🤣真係比香港好多日本餐廳都整得好食 🍻巨峰啤酒 & 柚子啤酒係果醬再加上Oreo啤酒😍咁嘅配搭我都係第一次試. 估唔到好好飲果醬唔係便宜貨. 個味唔會好假比例得宜. 可以中和到啤酒嘅苦味又唔會完全蓋過佢嘅味道令到呢杯野好似Cocktail咁👍🏻好啱女仔飲呢度嘅嘢食性價比好高. 特別係lunch time😝價錢唔會太貴但份量好多. 係食晏嘅好選擇 ~~~~~~~~~~~~~~~~~~~~~~~~~~~~~~~~~~~~~~~🏠 漁道樂 🗺尖沙咀金巴利道35號金巴利中心地下A舖~~~~~~~~~~~~~~~~~~~~~~~~~~~~~~~~~~~~~~~
