#飲食hyun_馬鞍山馬鞍山既餐廳愈開愈多😍已經唔再係美食沙漠今晚就走入咗一間cafe諗住飲杯咖啡慢慢嘆吓. 估唔到呢道重有酒飲同Live music🎵好啱happy Friday 嚟點擊圖片放大 🍢亞洲申燒拼盤牛肉、豚肉及爐魚各2串肉質唔會燒得太乾同韌醬汁惹味 🍕巴馬火腿配三重芝士薄餅好多芝士呀🤤成個薄餅都充滿芝士. 但食落香口得來唔會膩巴馬火腿份量唔少.每塊都食到餅底係雙重薄脆餅底. 口感更豐富🥰 🍝冬陰功青口海鮮炒日本武藏野烏冬好特別既一款主食😳冬陰功醬汁酸酸辣辣特別開胃海鮮有青口、魷魚、蝦、蜆等等烏冬食落有咬口而且份量好多. 食極都好似仲有咁 🍐波爾達魯梨撻配意大利雪糕估唔到最令我驚喜嘅係呢個甜品❣️即叫即整.撻皮充滿牛油香味. 唔會太硬或者過軟梨肉清甜. 唔係糖水浸梨.配上充滿牛油香嘅撻底好夾 ☕️Cold Brew今次揀咗埃塞羅比亞 耶加雪菲嘅咖啡豆小店好有心思. 用咗個可以喺中間放冰嘅玻璃樽. 既可以保持咖啡嘅溫度又唔會令咖啡變淡咖啡入口清爽充滿濃郁既酒香. 另加淡淡果香同黑朱古力味唔會太酸及苦澀. 非常高質下次要試吓佢哋嘅虹吸咖啡🤤睇吓係咪一樣咁高質點擊圖片放大 原來除咗咖啡之外仲有咖啡豆賣😍試完覺得啱飲嘅可以順便買埋返屋企自己沖~~~~~~~~~~~~~~~~~~~~~~~~~~~~~~~~~~~~~~~🏠 Puzzle Dining & Cafe 🗺馬鞍山鞍祿街18號MOSTown新港城中心(5期)地下G30號舖~~~~~~~~~~~~~~~~~~~~~~~~~~~~~~~~~~~~~~~
