最近身邊好多朋友都鍾意上深圳消費，原因都不外乎外費比香港平同埋香港已經玩到好似無咩玩咁，重點仲可以近近地離開下香港呢個壓力之都啊！！！ 其實大熊以前都間唔時會深圳既，但都係普遍揼骨為主，好少會係深圳食野同行街，可能自己仍然抱住覺得大陸好危險，好容易比人搶野偷野或者去餐廳食野唔知食緊啲咩，可能食緊老鼠肉或者地溝油咁，直至最近受到朋友影響，就開始左返深圳搵野食同周圍遊啦～其實而家大陸都唔係我地想像中咁恐怖。 利申先，雖然大熊上過咁多次深圳都無發生過啲咩，但我都會好好保管自己既財物。平時我同朋友去深圳既時候，遇見人多，例如搭地鐵、排隊買野飲既時候，袋都會放前面，同埋通常帶既袋都唔會係背囊，就算2日1夜都係一個自己可以容易啲睇到既袋，而手機銀包證件就會放落褲袋或者裙袋，因為搭地鐵時要安檢，所以自己袋住就會安心啲。錢都會分開2個位擺，一邊可以係褲袋或者裙袋，另一邊就係手袋。 行程： 第一日 下就搭火車去羅湖->6點到過完關搭地鐵去會展中心站->大約7點到食同順居北京菜館（等左15-20分析到入座）->買左杯奈雪之茶就返酒店CheckIN 第二日 2點酒店CheckOut ->搭地鐵去購物公園站食西貝筱面村 ->行左陣COCOPARK ->搭地鐵去皇崗返香港 上個禮拜，大熊又同朋友返左深圳2日1夜啦～ 今次就係攜程到book 左係國貿站附近既蓬客精品酒店。返深圳Book酒店大熊都唔係第一次啦，自從住過第一次之後都一改我對大陸酒店既印象。其實點解會深圳咁近香港都會book酒店，因為唔想玩得咁趕，同埋香港地方淺窄，都想享受下自己既私人時間同休息下。 酒店用後感： 圖片來源：攜程旅行 蓬客精品酒店（深圳萬象城店）（2011年開業，2013年裝修） 地址：深圳, 羅湖區, 和平路深铁大厦（近國貿站E出口） 價錢：¥338（特價） 其實今次咁岩見到呢間酒店做特價先揀左呢間，平時呢間大約價位都係4百幾到。 呢個係接待處，比起之前住過既幾間酒店，呢間既接待處都真係算似一間酒店接待處，因為之前有部分話自己係酒店其實去到都似係商場其中既幾層，而呢間係成棟都係酒店。我地係食完野大約係起夜晚9點幾到到先入去Check In既，服務方面我就不作評論啦，因為通常我地都係登記完比完按金就拎卡上房，好少會叫到佢地做啲咩。但呢間有樣野都幾奇怪既，因為深圳由今年1月1日起入住酒店都要影相checkin以確認身份，但個reception就無叫到我地影相就咁入完資料比完按金就checkin啦。 點擊圖片放大 呢間房相比起差唔多價錢既酒店黎講，大熊就覺得唔叫大，望落去都乾淨既，至少我見唔到有污積係地氈或者毛巾到，有雪櫃（雪櫃唔凍既，所以唔洗諗買野飲放雪櫃雪凍先黎飲），同一次性個人用品都齊全既，有牙膏牙刷棉花棒梳鬚刨洗頭水淋浴露，另外都有浴袍同毛巾。 通常我返深圳過夜住酒店都唔會用酒店既洗頭水淋浴露，因為覺得用完一餅野第日好難見人，所以都會自己帶既，而毛巾我就會索一索酒店既先，聞到陣漂白水味我先會用，但就唔會用落私人部位，呢間既酒店我都有用到佢地既毛巾，不過我都係建議如果大家擔心既話都係自己帶毛巾啦。 整體黎講，呢間酒店如果無特價我應該都唔會再Book啦，計返同價錢既酒店會有更多選擇，而且我自己本身鍾意晏就食完野行陣supermarket或者商場買啲野食就返酒店hea，呢間酒店既電視無另設電影台，而且內地既電視質素都收得唔太清楚，都無香港既新聞睇到，所以其實成晚都係禁電話打機睇片或者同朋友傾下計咁。另外，訓醒第日我塊面覺得有啲痕，唔知係枕頭唔太乾淨定自己塊面突然有啲敏感，不過去到下午就無野啦。之前睇返攜程啲住客review都無呢個問題，而我自己之前住咁多次酒店都無遇過呢個問題，所以可能都唔太關酒店事，不過下次都應該會再試下其他再話比大家聽。 最後，我Book酒店既準則通常都以budget最低300-400蚊到, 太平我自己就唔太敢住亦都唔敢介紹大家住啦，而且剔攜程選擇都會優先揀4星至5星，位置近地鐵站，同埋都會睇哂住客評語先揀選入住。 Btw, 其實¥300-400係深圳酒店選擇黎講大熊覺得其實已經算係咁，低過呢個價可能都係一啲公寓式住宅或者係青年旅館亦都有可能係motel或者離市中心較遠既酒店，唔太近地鐵站既。
