是咁的，隔左對上一次染髮已經有成2個月啦.. 因為漂左個頭，一直都好希望可以好似網上啲YOUTUBER咁自家試染其他特別啲既color，所以等個頭回復得 7788就即刻買左呢枝野返黎染。 （點解買呢枝？！ 因為見最近好多人大推呢枝野上色唔傷髮，又咁岩見到特價所以買左） 講返自已髮質先，我啲頭髮係偏少而且幼，加上之前漂傷左個頭，只要唔搽髮尾油就會好乾打哂結。 原諒我手機前置鏡像素低，我之前只係漂左頭髮下半部份一次，亦都Highlght漂左某幾側頭髮，而上半部份並無漂過，但好多漂左2次既頭髮已經甩左/_\ 我自己今次就買左2枝銀灰，1枝橄欖綠同1枝碧藍色 利申先，全部都係自購，所以另外遮左個價錢牌同店鋪名 網上睇既使用方法咁既 1. 洗髮後用毛巾抹乾 2. 適量將顏色焗油均混地搽在頭髮上 3. 等待10~15分鐘 (如想更上色可等到25-30分鐘) 4. 然後用清水清洗頭髮，不要使用洗頭水及護髮素 5. 把頭髮吹乾即可 咁我就hold左30mins先洗頭，染髮過程就唔分享啦 得出黎既結果係 用後感： 無漂過既頭髮只可以見到好少好少，近似啡色既橄欖綠，而髮尾都可以見到算係明顯既綠色。我自已覺得都算滿意既，因為我溝色既時候見到個兜既綠色，綠到好似草咁，我見其他人染都咁上色，驚染完之後出到去實比朋友笑，環保小先鋒。同埋其實我溝色既時候已經覺得好怪，點解一啲都唔灰，後尾上網睇返先知，原來銀灰色只係增加頭髮光澤度，大家真心要注意！！！洗完頭出黎感覺無好似之前用既染髮劑染完之後咁大陣味同打哂結，但都唔算話好滑，即係同未染之前髮質差唔多。最後最後比返個參考大家，我呢個長度同髮量落4枝真心算多，我諗應該3枝就已經好足夠，因為我上網睇人地成日都話唔夠用，所以就一次過落哂啦/_\ 仲有最後既溫馨提示， 1)染之前最好用凡士林/塗唇膏搽一搽個髮邊，因為Hi到真心難洗-_- (我而家成個髮邊都係洗唔走既綠色.\/.) 2)洗完頭最好搵返另一條毛巾黎抹頭髮，因為頭髮啲色會甩哂落毛巾到 (我聽講會每一次洗頭每一次都會甩色，証實就要下次話返比大家聽啦)
