9月27日 出發越南前, 我向某位同事請教越南旅遊的注意事項。 說到火車, 他說越南的火車延遲的情況。笑說, 就算你遲左到車站, 一樣可以追到架火車並且跳上去...我想, 沒有這回事吧 點解要坐火車, 因為, 由峴港到順化這條路, 車窗向外望全是大自然景色。峴港到順化約三個小時, 去程的火車很殘破, 到站時開電台廣播,怕你瞓過頭過左站。回程的較現代, 仲有得差電, 睇電視。仲有, 一定要揀 Soft Seat。(木椅冇冷氣車箱你一定頂唔順) TN2 開出 0841 到埗 1206 SB7 開出 1955 到埗 2225 Ref: Duong Sat Viet Nam 點擊圖片放大 +3 到了順化。 最敗北的地方係, 我出火車站時, 沒有確認回程時刻表... 因為, 迎頭有摩托車大叔, 本來出去市中心想坐電單車, 當我說要去乜乜乜時, 大叔卻拿出地圖, 意思可以載我全日到不同景點。灰盡, 我謝絕他的「好意」, 便一支箭奔跑了, 累我成身汗臭BunBun。 * * * 今日, 參觀順化皇城 (Hoàng thành Huế)。 對我這樣遊走過中國南北各地的香港人, 著實沒有新鮮感。 而對於越南政府保養古蹟的工作, 卻不能不佩服。 由於事前冇搞清楚旅遊景點的位置, 又冇準備旅遊書, 所以只好在市中心打發時間。我在街上步行時, 又碰到那位摩托車大叔駛車經過, 我們揮手互相打招呼呢。^^ " 在香河旁邊的Công viên Lê Lợi 坐低, 等日落, 看其他人散步時看我, 看蜜蜂打蜻蜓。 點擊圖片放大 +2 天黑黑 無論是火車站外的樓梯無所事事的感覺 在火車路軌旁邊默默等車的感覺 困在火車上只看著前面椅背又無法看窗外景色的感覺 很獨特 感覺自己存在世界某角落, 一個人 由火車站坐摩托車回酒店, 講好價錢40 (的士司機拒戴 )...回到酒店已經很夜, 到街邊買個法包三文治, 50...仲貴過搭車, 有點對唔住剛才載我的司機大叔, 情可以堪。 原文記錄於: http://hunterkiru.blogspot.hk/2016/10/3-day-3_21.html