😋沙拉肉排外表好脆,味道本身都好夠,再加上大量嘅沙律醬,咬落脆得黎又juicy又好味,送飯一流。 😋通菜煲一黎到時仲聽日咋咋聲,夠哂鑊氣。一打開蓋馬拉盞嘅香氣就擁岀黎,夠哂吸引,而且通菜又夠爽口,啱哂中意食菜嘅你。點擊圖片放大 😋威士忌鵝肝絕對係打卡精選。員工會先係你面前吹脹一個充滿煙燻嘅氣球係杯酒上,仲好貼心咁比時間你影陣相先,然後整爆氣球比鵝肝吸引煙燻嘅氣味再淋上杯威士忌,令每件鵝肝都帶有淡淡嘅酒味。係一碟好有特色嘅頭盤,值得一試。 😋其中椒鹽白飯魚係我最推介的。佢嘅食法係仿效shakeshake薯條,先炸脆白飯魚,加上椒鹽,另外仲會有燒烤粉同土匪粉比你擇。香脆得黎味道又多變,所以好值得推介。 😋叫左杯BMW同Berries party,一杯酸酸地一杯甜甜地,兩杯都加左蘇打水,所以夠哂涼爽。 🍹Shining Bar & Restaurant (銅鑼灣)銅鑼灣耀華街38號Zing!6樓