冬陰功海鮮意粉🍝冬陰功醬汁唔單止濃味,仲流出青檸嘅味道,令到食物好fresh,係東南亞菜嘅感覺。配合豐富嘅海鮮配料,包括好彈牙嘅大蝦同大大舊嘅帶子,仲有青口,好欣賞呢種濃味醬汁配搭海鮮嘅鮮味,食落去好開胃,好快就食晒!加上,烹調時間剛剛好,意粉軟硬度適中,醬汁都好多,唔會乾,少少冬陰功嘅辣味有提鮮嘅感覺! 酥炸軟殼蟹蟹膏蟹肉黑松露意大利飯成大隻炸軟殼蟹放咗上面,每一啖都係脆口,但炸得唔會好乾身,而且食落去係有汁,鎖住咗軟殼蟹嘅味道。另外,意大利飯燴得好入味,食得出有淡淡蟹膏味同食到蟹肉。醬汁份量適中,唔會太多水份留於表面。如果鍾意食比較硬身嘅飯質,就會好適合。 甜品西班牙油炸鬼配朱古力醬及雲呢拿雪糕之前想食幾次都賣曬,今次終於食到~整咗好特別嘅炸條,出面比較少食到而且係好食。外脆内少少綿嘅質感,外表仲曬左甜甜嘅味道,一口食已經好足夠飯後甜品。加上,少少暖嘅炸條配合朱古力醬同雲呢拿雪糕,冰火交加,令味道更有層次! Signature cocktail 🍹 叫左杯too hot too handle,好fresh水果味嘅cocktail ,好易入口,凍冰冰咁,唔覺唔覺就飲晒,配合埋西餐嘅菜式,一杯Cocktail係一個完美嘅配搭。😋Oasis Bar & Grill尖沙咀諾士佛臺1號8樓