入到扒餐廳梗係食下扒嘅質素叫左燒美國肉眼牛扒,店員會好細心問清楚你會唔會做緊生酮飲食,從而問洗唔洗加飯,面或薯菜。點擊圖片放大 首先一黎到外表就好吸引,我今次叫嘅係7成熟,切開見到睇落似係5成食落其實係7成,難得唔會煮得過火。食入口好好濃嘅燒肉味,而且仲好。 juicy,再加上蒜蓉汁,根本係一流,食肉獸嘅朋友都應該黎食下!點擊圖片放大 另外仲要左個20cm吉列豬扒,真係足20cm,係勁大塊而且仲好厚身,大胃王可以黎叫下。我仲加左熱溶芝士,佢地會係你面前點火整溶啲芝士,再倒上去你塊扒到,睇見到流哂口水,打卡冇得頂。食入口外面好脆,入面嘅肉亦唔會因為太厚而變得好實,配埋黑椒汁係食唔停口。 另外佢地有得跟餐,佢哋嘅中湯就比較偏咸,但就幾足料。整體來講,佢嘅格局同菜式嘅配搭都有少少似以前扒嘅餐廳,有少少傳統扒餐廳嘅感覺,有點懷舊~🍴吃扒 (旺角)旺角豉油街108地舖