唔講唔知，原來尖沙咀亞士厘道有間專食蟹嘅中菜館❣️如果唔係屋企人帶我哋上去，我真係唔會識得嚟😝點擊圖片放大 ⛦ ⛧ ⚝ ⛦ ⛧ ⚝ ⛦ ⛧ ⚝ ⛦ ⛧ ⚝🥢🥢食物點擊圖片放大 +2 一聽個名《翠林辣蟹坊》就知，呢間係食蟹嘅中餐廳🍴餐廳提供好多款蟹嘅菜式，包括：避風塘炒蟹、新加坡辣椒蟹等等🦀但其實除咗蟹之外，重有其他海鮮，例如：龍蝦🦞同酸菜魚🤤唔鍾意食海鮮嘅朋友，都可以揀其他小菜。呢d小菜同樣都整得好出色❤️🔥⭐️話梅涼瓜 $68 當日為食貓晏就食咗個河粉，到夜晚重係好滯🥲但點知食咗呢個開胃前菜，就即時胃口大開，好神奇🤣個涼瓜又苦又酸酸甜甜，個味道好得意，鍾意食涼瓜嘅朋友一定要試‼️（唔知自己喺屋企整唔整到呢😆）⭐️生煎菜甫黑豚肉 $128 呢碟小菜有菜甫、薯仔、紅椒、青椒同埋黑豚肉，個味道甜甜地，又炒得夠晒鑊氣，送飯一流🍚⭐️香辣宗谷瑤柱炒龍蝦 $688 個龍蝦係今餐晚飯嘅主角❤️餐廳係採用澳洲龍蝦煮。我哋食得出個龍蝦的確好新鮮，d肉都幾彈牙，好容易就可以拆到出嚟食，而且一啲都唔會乾身🌵最特別嘅係呢個龍蝦係加埋瑤柱一齊炒嘅🥰一般出面酒樓只會得避風塘風味，或者芝士上湯伊麵味，所以呢碟🦞菜式非常特別⭐️食神炒飯 $188 究竟點解叫食神炒飯呢？🙈唔通因為佢好似食神炒嘅飯？😆似唔似我就唔知啦，不過呢個炒飯認真好食🤤雖然D飯細細粒，但每一粒都炒到金黃色，而且軟硬適中，加埋d蟹籽、蛋、豆角一齊食，每一啖都變得好有層次，好入味同夠晒鑊氣💕呢個飯都算係為食貓食過咁多炒飯之中，最好食嘅👍🏾⛦ ⛧ ⚝ ⛦ ⛧ ⚝ ⛦ ⛧ ⚝ ⛦ ⛧ ⚝真係估唔到呢間中菜館d嘢食整得咁出色😽下次大家如果要同d親戚朋友出去食飯嘅話，不妨可以試吓book《翠林辣蟹坊》😜我絕對相信大家一定唔會失望，而且一定會好食過出面一般嘅酒樓⚡️⛦ ⛧ ⚝ ⛦ ⛧ ⚝ ⛦ ⛧ ⚝ ⛦ ⛧ ⚝環境：♥️♥️♥️♥️食物：♥️♥️♥️♥️♥️回頭指數：♥️♥️♥️♥️♥️地址: 翠林辣蟹舫 (尖沙咀)尖沙咀亞士厘道24-38號天星大廈1樓A號舖
