前排同fds 去左長洲幾次, 有D餐廳真係幾值得介紹, 一直累積係手機... 咁岩朋友同sis plan 緊去長洲, 所以出個總食評俾大家參考下 藍鳥 Blue Bird 🕊️ 蠔仔肉碎粥 $39 雖然全部用外賣餐具, 睇落其貌不揚咁, 但呢個蠔仔粥真係正🤤. 蠔仔幾多又有蠔味, 個粥有鮮甜味, 係會成碗KO 哂. 再去忍唔住encore 而另一個fd 都好like 即炸生雞脾喇沙麵 $57 即炸生脾都係招牌, 但我覺得乾左d. 生炸脾都係和順記. 喇沙湯底味道ok, 有d似新加坡隻百勝廚, 值得加錢轉湯底 (反正個兩餸車仔麵好平), 仲有冬蔭功湯好似都幾正咁, 如果去長洲有肚可以try try 再訪同朋友encore share 蠔仔肉碎粥, 都幾大碗. 最低消費$25 所以又叫左串炸豆腐, 其實似炸豆卜, 好脆好乾😂 都係推蠔粥... 伴日 Bannichi 一間感覺幾溫馨可愛日式飯糰店. 一品飯團餐 $58 是日漬物 • 飯團 • 主菜 • 湯品 • 飲品 Daily pickles, Kimchi beef Onigiri, Braised Pork Belly, Kombu Soup 🍙飯糰係原味或燒飯糰, 亦可以轉鏗魚湯烏冬或者加錢轉是日飯糰. 試左泡菜牛肉飯團🍘, 好大個調味都幾惹味, 用左珍珠米, 個口感幾好, 唔會好濕黏. 個人口味如果再辣d泡菜d 會更喜歡😆 主菜叫左豚角煮, 豬腩肉係好邪惡半肥瘦, 朋友怕肥但其實佢個肥肉煮得香軟無太多膩感, 加埋個瘦肉反而令成個口感更正. 蘿蔔都勁入味, 呢個餸其實更岩配碗白飯🤣 昆布湯同佢個牛蒡漬物都唔錯 明太子茶漬飯 $42 Mentaiko Chazuke 同樣會包埋漬物同飲品. 想食明太子🍙飯糰但撞唔岩, 所以叫左新品明太子茶漬飯. 明太子咸香, 加茶同飯係食落幾舒服感覺幾健康嘅味道. 不過覺得都係叫佢哋嘅一/二品飯團餐更豐盛更滿足 文山青茶/炭焙烏龍茶🍵 飲品選左兩款茶都唔錯, 前者茶香幾清幽, 後者較濃帶炭焙香. 下次如果撞啱想試嘅飯糰口味, 係會想encore 嘅小店 茶山 mtea 之前story 有介紹過好正又抵嘅croffle, 係行經過try try 嘅新甜品鋪. 第一次去未見有post 介紹, 木系傢俬加茶葉燭燈, 坐得幾舒服. 不過上次帶fd 再訪已經好爆人. 抹茶紅豆白玉芭菲 $58 Matcha Parfait 自己倒入抹茶醬, 抹茶雪糕雖唔夠幼滑, 但都有抹茶香. 特別欣賞佢中間同最底仲有抹茶蕨餅同白玉, 口感唔錯. 中間仲有d cream, crumble, 隔離塊waffle 餅都好香脆有牛油香. overall 幾好食係略甜左d. 無花果/蜜瓜牛角包窩夫 $48 Figs/Melon Croffle w/ icecream 一份有2大件再加球自選味道雪糕🤤 去嘅前幾日去其他cafe $48係買單件croffle, 有d 仲唔止🙈 croffle 焗得香脆, 配上雪糕同Syrup 好滿足, 推薦黎到試試 🙌 第一次同朋友叫左figs, 配vanilla icecream & honey 組合正d. 第二次order 左蜜瓜, choc icecream & choc sauce 個人覺得無咁夾 草莓班戟梳乎厘$98 Strawberry Soufflé Pancakes soufflé pancake應該係定價最同出面接軌, 不過幾失望🌝 可能當日多人, 叫左無耐就送上呢份, 懷疑係整定嘅. 所以soufflé pancake 係凍, texture 都幾軟而輕盈, 卻欠缺左蛋香, 亦覺得好似差左個醬嘅feel...唔, 可能因為味道口感比較單調, 唔係太欣賞. 熱情果文宣茶 佢都幾多茶葉同茶具賣, 感覺對茶係有追求同有研究嘅, 所以叫左杯試試. 不過熱情果味太強大蓋過茶香. 建議想試茶嘅單叫熱茶會試真d Haika Coffee Dirty Tart $48 髒髒朱古力雞蛋布甸撻 sis 食過大力推薦, 所以我懷抱住極高期待去....據說用左Valrhona choc做撻邊, 同日本雞蛋製中間custard. 切開有lava 流心效果其實最主要係面頭大量朱古力醬同可可粉. 不過expected 佢會係再更濃郁d, dark choc 咁. 但食落似milk choc. 撻口感比較紮實, 無牛油香亦唔係脆身. Dirty/Flat White $44 好飲💞 比起dessert 反而coffee 更有驚喜. 問完, 隔左排先寫已經唔記得係邊嘅荳🤣 印象中落double shot, 香濃又唔會過於苦澀, 味道好balance, 喜歡 Heima Heima Apple Tart w/ Icecream $52 蘋果批好香脆, 切開聽到咔啦咔啦聲.無太多肉桂香味, 配上vanilla icecream 幾好食 Maple Syrup Hojicha Chestnut Cake $55 楓糖栗子焙茶蛋糕, 主角係栗子. 栗子味好出, 而上面焙茶cream 又幾香茶味, 兩者味道配合原來好搭. 甜度恰好. 配埋整個舒服環境, 微風. 有種身置台灣cafe 錯覺. Matcha Latte/Flat White $38 啡不過不失, 反而抹茶latte 好有驚喜, 抹茶味好香濃, 茶甘香加上牛奶天然微甜. 唔需要花巧嘅拉花, 味道取勝. 喜歡呢間嘅matcha latte 同甜品, 環境亦好舒服. 去長洲嘅話會想再訪 長洲小食/手信篇 康蘭餅店 Grand Plaza Cake Shop 迷你蛋撻/椰撻 $10 4個, 葡撻 $8 一口size 好cute, 椰撻焗番熱微脆幾香. 蛋撻葡撻就普通. 跟朋友買先知原來平安包長期供應🙈 我以為搶包山個排先有. 見佢買咁多我又好奇買左兩個. 係康蘭餅店買左麻蓉, 郭錦記餅店買左紅豆. 兩個都好大個, 樣就康蘭更靚仔, 味道兩個都唔錯, 無想像中咁甜, 饅頭紮實香軟, 好有飽肚感. 點擊圖片放大 ✨晴小巷 Sunny Alley Bakery 9” 煙三文魚/意式肉腸薄餅 $52/48 Smoked Salmon/Salami Pizza Croissant/Blueberry Scone/ Chocolate & Sesame Cookies $15/15/10 推薦嘅小店, 每次去長洲都會幫襯. 處於小巷中. take away pizza 即叫即焗, pizza 底有口感, 煙三文魚足料又香. 就算放凍左, 番屋企懶得加熱就咁都覺得好食, 而且好平🤩 Salami 相對較普通. Croissant 大件酥脆, 有牛油香幾好食. scone 無咩藍莓味, 口感比較紮實. Cookies 唔會太甜, 前者有choc chips 後者滿芝麻亦幾香. 期待下次去, 佢已經攞左牌可以食到gelato. ✨長洲哨牙刀 薑梅貝果 $35 煙韌好咬, 薑梅香味好出. 即使無餡, 呢個香味加口感都毫不單調. 除左bagel sourdough都好出名. 唔去長洲亦可以留意佢哋開團 長洲妹姐美食店 芒果糯米糍 $15 芝麻/桂花馬蹄糕 $9 朋友介紹. 芒果大而甜, 糯米皮薄而軟糯. 糕印象中都唔錯, 自己較喜歡桂花香 天然甜品 桂花芒果卷 $11 奇怪組合, 但屋企人想試. 外層似落多左魚膠粉嘅大菜糕, 即使單吃亦無桂花香. 所幸佢芒果好甜, 起碼可以單食芒果 甘永泰魚蛋 魚蛋 $20串, 朋友推薦嘅店. 我對魚蛋無研究, 幾彈牙嘅. 漁樂 墨魚厚切 $60 陪朋友試, 墨魚口感都幾鮮嫩, 不過調味略偏咸, 份量亦唔算多, 應該唔會再訪. 冬瓜茶無加糖幾清香. 慶發記小食 皇牌燉桃膠/抹茶紅豆奶凍 係晴小巷對面, 等候pizza 時購入. 好多款糖水選擇而且價錢唔貴, $20有找. 燉桃膠幾足料感覺幾潤, 樽裝飲用好方便而且亦幾大枝. 奶凍就太甜 💛長洲角酪 喜歡佢哋yogurt drink, 酸甜好清爽. Roll cake 就無太大驚喜, 茶香味比較弱. 花左好多時間整理, 有興趣睇多d 相可以去我ig hunger.food 睇
