最近轉投洋蔥湯懷抱！本身是洋蔥愛好者，周不時都會買洋蔥湯來飲，但買來買去只有即沖同罐頭類，所以想學煮「法式洋蔥湯」好耐㗎喇，雖然自己煮唔知係咪最正宗，但有時想簡簡單單一個lunch，呢個湯會係好好選擇，飽肚但又唔會有罪惡感，自己煮嘅就更足料，同時也實在 👉🏻 太易煮喇！準備嘅材料亦比忌廉湯羅宋湯簡單好多，煮好個底，想飲就焗片芝士法包就掂喇！ 材料：洋蔥3個蒜頭1-2瓣牛油2湯匙麵粉1湯匙牛肉湯4飯碗份量水1-2飯碗份量月桂葉2-3片Thyme數枝黑椒碎/鹽少許法包數片Gruyere Cheese適量註：1.用日本洋蔥個湯會更甜2.牛肉湯今次用現成的。如有時間可買牛骨同牛肋條，加多些甘荀去餚煮個高湯來用。3. 芝士如買不到Gruyere Cheese，都可用其他芝士代替，自己口味自己話事。 做法：洋蔥去皮切條，蒜頭剁成蓉。把芝士刨碎備用。點擊圖片放大 +2 熱鑊下牛油，溶化後加入洋蔥爆炒。 炒至洋蔥軟身，加入麵粉，thyme碎及蒜蓉，再炒至洋蔥變成金黃色。 然後加入牛肉湯及水、月桂葉，大火煮滾，再加少許黑椒碎。（如果想濃郁可以不加水，又或邊試味邊加至喜歡的濃度） 滾起後轉小火蓋上蓋煮20分鐘，灑些鹽試味即成。 煮湯時可把法包切片先烤至剛脆身，備用。 湯做好後，勺入可入焗爐的碗中，上面放法包，灑上芝士，再入焗爐焗3分鐘至芝士溶化即可享用。#如果想簡化，也可直接灑芝士於法包上同焗/氣烤，再上洋蔥湯上享用點擊圖片放大 +2 #洋蔥湯愛好者
