最近愛上烘焙，沉迷做甜點😝今次整雪花酥！仲整咗兩個口味添！ 對於雪花酥，特意試過街買嘅，再食自己做嘅，完全係兩回事，街買嘅可能要保存得耐，所以口感好硬，反而自己做就鬆脆好多好多，口感超好，想食就即做，仲可以送人喇🤣 整雪花酥非常容易，絕對係零失敗，工具簡單，唔洗焗唔洗雪，有個易潔鑊，有個方盤就夠，可做口味不同但主力材料不外乎幾種，整完食幾件嘆返杯Earl grey，煲下劇咁又一day😌 ! 原味雪花酥材料：馬利餅 200g棉花糖 300g（最好用細粒）無鹽牛油 70g奶粉 100g果仁果乾 各100g 做法：先將馬利餅一開四，不要揑太碎，否則雪花酥沒有鬆脆口感。 果仁可用mixed嘅，也可用單種，隨君喜歡。略為壓碎。 把果仁碎於鑊中烘一烘，盛起備用。 鑊中加入牛油中火煮溶，轉小火再加入棉花糖煮溶。點擊圖片放大 煮的過程用矽膠鏟不停翻拌，之後再加入奶粉及乾果拌勻。 隨即再加入果仁碎及馬利餅，輕輕拌勻。 最後結成一糰便可關火起鑊。（不要翻煮太耐，否則雪花酥會好硬） 然後放入模子內定型。我用的是這種鳥結糖/雪花酥專用模，如沒有，可放修長方型深盤中定型，不過記得要先鋪一層保鮮紙防黏，否則甩模會失敗。 放入後壓均勻，然後放涼。 放涼後就可以脫模，切成方塊。點擊圖片放大 在方塊上灑上奶粉，便成了非常好味嘅雪花酥喇❤️ 另外都試做了朱古力草莓乾味道。把果仁換成乾燥士多啤梨，奶粉一半的份量以可可粉代替並混合，做法跟原味相同。點擊圖片放大 +3 我就喜歡原味，阿囡就當然鍾情士多啤梨朱古力啦🥳。
