一落機 拎完行李 就到大堂啦!! 大堂好細一眼望晒... 出到去雖然有雪 但其實又唔係想像中咁凍..我連羽絨都唔洗著XD (可能因為我著咗兩件EXTRA WARM+CASHMERE外套) 等咗一陣就上旅遊巴啦!! 車上面仲有一個小小嘅北海道地圖 上面有齊我地未來呢3日會經過嘅路線!!! 仲有領隊同導遊嘅卡通公仔 好可愛:P 聽完導遊講野 就知道我地要坐3個鐘嘅車程先可以去到旭山動物園.. 但旅行團都好貼心*安排咗一個十分鐘車程嘅廁所位俾我地!! 北海道嘅景色好靚呀 一直都係白雪雪 好多樹 感覺好浪漫:P 落到車 兩個傻仔見到有雪糕緊係要食啦!! (雖然當時係日本早上9點幾 香港早上8點幾..) 但係喺雪地食雪糕真係第一次~ 仲要食呢個期間限定-哈蜜瓜味!!! 哈蜜瓜味好濃 都好重牛乳味 但又唔會好甜 好好味呀<3 食完雪糕仲同雪人同雪屋影相<3 雖然係零下幾度但完全唔覺凍..好舒服嘅天氣!! 3個鐘頭車程 訓下教 話都無咁快 就去到旭川市旭山動物園啦!!!! 我地由東門入口入去* 一入到去有條暗斜嘅路.. 雖然我加咗鞋釘..但都跣親;'(..真係好樣衰!! 因為去到都已經中午12點幾 當然係醫肚先啦;P 動物園內有兩間餐廳 但係因為由東門入* 為咗方便 就揀咗MOGMOG TERRACE*(圖片取自官網) 成個menu得一頁XD 呢度係一間自助形式嘅餐廳..旁邊有個自助吧枱... 你揀好 就可以同職員講 佢就會幫你夾架啦!! 我揀咗3餸餐 包一客粟米湯 不過唔包飲品 如果要飲野 就要另外加錢~凍水就免費! 我呢個餐1200yen(大約78蚊HKD)...獨市生意黎講都唔算好貴 可以接受:P 講返個餐先: 粟米湯超好飲呀*V*奶味重 加上夠CREAMY...比起平時汽水機100YEN一罐嘅更加好味! 餸方面我就揀咗- 炸蝦 炸雞同芝士焗扇貝* 隻炸蝦真係要讚 因為夠晒大隻..食落口真係啖啖肉..唔似喺香港食果D咁多粉漿* 再配埋個沙律醬 感覺無咁熱氣..正呀!! 另外 個炸雞都好香口 都係無乜粉漿 同埋D肉好"林"完全唔怕會痴牙* 最後到期望最高嘅薯容焗扇貝 薯容都OK 不過不失! 反而隻扇貝就細咗D 我開頭食咗幾啖都未食到 食到尾2果啖先見到佢 基本上同五毫子差唔多大..都可以接受啦! 雖然個餐無乜汁 有少少DRY!! 但整體黎講 都算唔錯!! (最後我有用粟米湯撈飯XD) 食飽就可以出發睇動物啦!!! 雖然旭山動物園唔係好大..都無墨爾本動物園咁FREE.. 但係因為周圍都有積雪 所以睇住一個白色嘅動物園都幾特別;P 呢個係我最愛嘅積雪馬騮山<3 D雪厚到一踩落去就咁深 成對鞋都係雪! 長頸鹿好可愛:P 但佢成日打冷震 可能太凍啦:( 但佢仲不停食雪..好鬼搞笑* (圖右) 點擊圖片放大 我地睇到差唔多2點15分就去霸個靚位 因為要等2點30睇旭山動物園嘅皇牌節目-企鵝巡遊!! 愈接近表演時間就愈多人..最後排到兩邊密密麻麻... 但係大家都好自律企喺紅線後面* (因為如果企出咗紅線 工作人員會吹咇咇 叫你退返後!) 準時2點半...終於要開始啦*V* 因為我地企中段嘅位置..所以等咗一陣見到佢地行過黎啦.. 終於終於到啦!!! 嘩!!好大隻呀..同埋好難得可以近距離同佢地接觸..佢地同我距離一米都無呀;P 一步一步真係好可愛... 睇完之後都3點...呢個時候緊係去睇下手信;P (圖片取自官網) 點擊圖片放大 因為時間有D趕 但係又唔想求其買個公仔返屋企*零食又睇唔岩! 所以最後買咗呢個..390yen嘅雞蛋布丁!! 上面寫住旭山動物園個名架..食完洗返乾淨又可以當紀念品 一舉兩得!! 但係要留意呢個係中央売店限定!!!只有動物園中間嘅店舖先有得賣架!! 買完手信 又係時候繼續坐車去第2個地方LU...