Day 10 經過咁多日既旅程，今日終於出發去最後一個城市---維也納 由Hallstatt駕車去維也納要足足4小時，所以決定駕車大概2小時左右就搵個休息站食午餐先。在公路上會有好多指示牌提示幾遠有站可停車休息，本來諗住求其搵個油站就算，點知今日竟然落狗屎，於是搵左個大既休息站歇歇。 呢個休息站除左餐廳外，仲有精品店、旅館...好靚好舒服。 大概3點左右終於到達目的地，因為之前都係租些小鎮旅館，臨走前都係租間靚d既酒店，呢間酒店開了兩年左右，非常近地鐵，樓下仲有好多餐廳、超級市場，唯一缺點係個停車場要行好遠。 維也納同布拉格一樣，都係搭公共交通工具方便d~所以買左張72小時既Vienna card,包所有搭車同埋部份景點折扣優惠。 由於黎到都仲好大雨加上星期日冇乜舖頭開，最後淨係去左史提芬大教堂附近閒逛，跟住返酒店早d休息算〜 點擊圖片放大 Day 11 今天起床外邊還是有毛毛雨，但都唯有照原定計劃出發。首先去左呢度最耐歷史既遊樂場-Prater,當年before sunrise都係呢度取景,裡面有個好懷舊既摩天輪，同埋好多機動遊戲，逐項收費。入面真係幾舊，好有荔園feel~ 點擊圖片放大 +3 下晝我地就去參觀左維也納藝術館，呢座藝術館由奧地利著名藝術家、建築師-百水先生親自監督完成，設計源自他的名作-百水公寓（維也納的公屋，聽聞還有很多藝術家在裡面住），全幢設計沒有直線、直角，裡面更有大師的作品展覽，真係大開眼界！但呢度位置幾隔涉，我地行左好耐先搵到。 點擊圖片放大 今日最後一站去睇埋美泉宮，入面主要參觀一些畫作、宮殿房間。但可能天雨關係，同埋真係唔識欣賞，所以都覺得幾悶〜
