今日一早起床就懷著興奮的心情，準備出發去到與CK小鎮同被列為世界文化遺產的Hallstatt湖區。點知就發生了這次旅程最大既意外...話說day4駕車，當我開左車10分鐘到我就停埋避車處啦，不過就泊得太近壆（個邊d壆全部都係凹凸不平既），當我一踩油就「卜」一聲爆左軑。 好彩遇到一對德國老夫婦車我地去油站，初頭租車公司職員仲話換過架車俾我地，點知個職員原來吹水，一等就等左2個幾鐘，最後淨係搵架拖車黎，話換軑加$3000，不過又要再等，最後為免再延誤時間，我都係決定用條後備軑出發算 （不過條軑最快只可行80 !_! ) 就在這油站坐了3小時 好彩入面都幾舒服 煎熬左半日後，大概16：30左右終於到了目的地，幸好這邊的日照時間比較長，通常20：00個天先會黑哂。 hallstatt中心既停車場 點擊圖片放大 +2 加上Hallstatt小鎮不算大，我地起碼可以係度行左一圈同埋搾船仔遊湖，呢度既風景又係一流，如果唔怕凍既話，冬天黎睇雪景應該會更震撼〜 租架艇仔遊湖真係幾悠閒~ 點擊圖片放大 +2
