點解覺得CK間酒店咁好呢？除了因為它乾淨舒服，今朝起身食呢個早餐真係加左好多分，除左麵包、鮮橙汁、生果盤、yogurt,仲有火腿煎蛋，食完後主人仲煎埋個甜品pancake出黎，真係好滿足！ 點擊圖片放大 食飽後就開始出發去奧地利既Salzburg,呢度除左係莫札特出生地之外，仲係經典電影「仙樂飄飄處處聞」取景地之一。駕車去奧地利首先要去油站買張路票先（如果唔係唔可以行高速公路），途中會經過好多山路，其實鍾意駕車既人應該會幾enjoy,過境時完全冇任何關員，只有一個好似荒廢左既更亭，如果唔係GPS顯示都唔知已經過左境。 今次在Salzburg搵到間酒店都幾平同埋全新既（因為要駕車10分鐘先到市中心），好彩之前上網check過呢度有部i-reception check in時要輸入信用咭PIN code,我問左幾間銀行card center都冇人答到我呢個問題。最後先係討論區問到原來就是櫃員機透支個6位數密碼（因為歐洲好多時都要入呢樣，但佢地係4位數的，後尾先知原來你入幾多位數都可以既）我check in時有兩班外國遊客都唔識點攪。 就係呢部i-reception啦 挺乾淨既睡房~ 安頓好後，我們先去了市中心食午餐-一間專賣意粉同食材既餐廳，都幾好食。但因為今天有小小雨，跟住只去左Mirabell gardens、莫札特故居...等景點參觀〜 呢個粉好好食~~ Mirabell Gardens 點擊圖片放大 +5 莫札特像
