今次自由行足足籌備了3個月,之前睇過好多旅遊書都覺得唔夠update,不太適用.今次整個行程都係靠上網睇blog同埋在討論區搵資料既.加上要放工先做到,所以淨係編行程都用左兩個星期(之前整其他都係幾日搞掂),真係嘔心瀝血!所以決定今次寫BLOG,希望幫到有興趣去玩既朋友. day 1 基本上係整個旅程我覺得最辛苦既一日. 由於第一次搭長途機,之前都冇乜點休息,諗住可一上機就訓,點知好好彩坐正隔離個亞裔男人高我半個頭,仲要"激戰"林思齊咁既身形,基本上佢已經霸左兩邊扶手位,攪到我成程十二個鐘只係訓到兩三個鐘左右. 一落機就發生左租車問題(整個旅程兩個預算之外的其中之一,另外個問題在day 8發生)本來上網book左架自動波點知去到counter先話冇,最後行多3間租車公司先搵到,好彩最後都順利向布拉格市中心進發. 在apartment擺低行李之後就去了搭地鐵(因為布拉格主要景點都冇乜車位,所以索性買地鐵3日票仲方便,租車主要因為拖住阿仔來往城市之間比較方便) 呢日主要參觀了舊城廣場,查理橋...等景點,最難忘去到火藥塔時,阿仔仲訓緊晏覺,結果我要好似消防員咁抱住佢行左差不多一百級樓梯,上到去時真係有種缺氧既感覺XD到了黃昏時間,我預先上網Book左間餐廳,坐係度食晚餐可睇哂成個查理橋,終於可舒舒服服咁休息下. 食完飯後就在市中心附近閒逛,剛巧就遇到間書店同埋條迷你版鎖橋..... 晚上九點左右,終於回去休息......用ipad煲下"衝上雲霄","中國好聲音" XDD 今次租既apartment 舊城廣場 從火藥塔望出去 黃昏的查理橋~ 在布拉格都見到條鎖橋
