今日係百年難得一遇(對我地來講)既一日。出發前完全無預計,原來今日係荷蘭既King's Day。一早我地就出發去Vondelpark 行下。 今日既氣氛其實就好似我地年三十晚既年宵咁。所有人一家大小全部都出來慶祝。全部人一早就開始對heineken。所有成人不分男女都係。 有好多小朋友都會趁今日出來表演下跳舞唱歌賺下錢,有d就好似上面呢個咁,攞自己個頭出來俾人扔水彈,可以盡情咁扔,大約1euro 3次。呢個都ok,有d係比人扔雞蛋,有d浪費 :) 睇完d正常健康既,之後就來到市中心的瘋狂地段。基本上今日整個蜂巢運河區內既所有d河都會被呢d艇完全攻陷。 而運河兩旁的街,唔使講,梗係都完全淪陷啦。 有個鬼佬直頭跳橋落隻船到,真crazy :p 今日其實全市都係好多地攤,個個都攞曬自己屋企唔要既野出來賣。呢幾個估計應該係中國留學生,梗係唔執輸出來玩下啦。反正開檔又唔使錢。如果我知道既話,我都會係出發前準備d 香港特色野黎賣 :) 一定會好好玩 小,呢個我真係無野好講,有好多人住在河畔,佢地屋企一打開窗就對住條街係度狂飲狂顛。 普世歡騰 我地發現,今日其實周圍行都唔唔乜亞洲人。所以我地兩個咁異相就成日被人逗,d鬼佬個個隊曬啤又high 上加high。有d就會過來撞下你,或者突然走過來嚇你。亦都好彩有d好似呢個咁,過來同我地一起影相同傾下偈,問我地邊度來 :) 呢個就係人類繁榮過後的文明表現 :) 狂歡過後,呢度係其中一條最闊最長最繁忙既達姆拉克大街(Damrak )。 人類文明表現2 前阿姆斯特丹證券交易所門口,狂歡過後,遍地垃圾。 我地有個 page,方便俾大家follow 下,因為係外國上網好鬼慢,我地會儘快每日更新,有拖無欠,大家多多支持! https://www.facebook.com/llyyt