Day 4 – 最後一日在格羅寧根 話咁快就最後一日係呢個世外桃源般既小鎮，真係有d 唔捨得。因為有好多小餐廳我地都未試過。 今日係最後一日係格羅寧根，天氣一開始就非常唔錯，真係謝天謝地~即刻趁機會周圍踩返轉~~ 荷蘭既 Queen’s Day （1890﹣2013）係全市陷入完全瘋狂既日子。今年因為皇子登基，所以改名為 King's Day，人們瘋狂依然。本地人話，今晚已經會開始慶祝，所以大家其實已經開set up d音樂器材，呢度係格羅寧根中心既廣場。 荷蘭人愛花，今日周圍都有好多花賣。 格羅寧根仲有一樣野出名，就係有好多人會來讀書、留學。好似尋日我地見到既 Boris（德國人），其實已經3x歲。都仲特登走過來讀 international politics。呢度人口有超過1/4 係學生（大概50000人），平均年齡非常年輕，只有大概3x歲。呢度係格羅寧根大學（Rijksuniversiteit Groningen）門口出面既泊單車位。棵樹好似一舊雲，好有意境 :) 之後我地隨便周圍踩。能夠自己屋企有露臺與狗，係我呢世仔既幻想。 短短3天既天堂之旅就咁過去。2小時車程之後，我地就來到完全另外一個世界 ﹣ 阿姆斯特丹。一落車就已經感受到大城市個種繁榮但有點疏離既感覺。 我地既酒店係河畔，因為來緊市中心既酒店都要貴2倍（拜king's day所賜，大約＄3xxx 一晚），所以唯有租間遠d（大約＄1000）。不過附近就咩都無，凈係得條河。 最後行到我地好累，求其在河畔搵間餐廳食就算。期間有兩個本地人過來同我地吹水，原來佢地都有去過香港（同埋成日會去廣東做生意），一聽我地來自香港，就非常熱心咁同我地講amsterdam 應該點玩。 :) 我地有個 page，方便俾大家follow 下，同樣都會每日更新，大家多多支持! https://www.facebook.com/llyyt
