畢業之後做左幾年野，浮浮沉沉啦，你話悶又唔係，但你話已經找到方向咩？又未。兩個月前同女友決定一齊黎鋪勁既旅行，一係唔去，一係就去到盡。於是我地就開始左呢個大約37日的歐洲之旅。前兩日（4月22日）我地終於出發，因為時間長，驚有好多野如果返來之後先寫會唔記得，所以諗住同大家係度每日即時分享。 我地有個 page，方便俾大家follow 下，同樣都會每日更新，https://www.facebook.com/llyyt 大家多多支持:) 好啦，坐左超過17小時飛機，從杜拜轉機過來，我們終於登陸漢堡。黎到已經是夜晚9點。這是我們第一次來德國，不過純粹只係中轉站，明天早上就會離開~ 前往荷蘭一個小鎮 格羅寧根 （Groningen)。 德國是多單車的國家，所以在火車月台見到d型仔踩單車穿來穿去都唔出奇。 今次來到我地又係地鐵站咩都唔識，不過好在，全城無人走過來同我地講野。如果唔係我地都唔知道理不理佢好。因為上一次我們去米蘭，走過來幫我地既就是要騙我們的。 一步出火車站，感覺有點滄桑。呢度都有公共單車系統，不過聽日我地就走，所以就唔打算試玩啦~ 來到漢堡，第一個最大的感覺就是相比起米蘭，呢度既人好似好落魄。只係短短從火車站去酒店的幾百米距離，就已經見到一個男仔發酒癲在街頭大喊叫，另外一個中年阿叔喝醉酒訓左係地喃喃自語，另外一個2x幾歲的高大靚仔就坐係我地酒店門口地下自己一個飲酒。仲有就係呢個坐係一間商店門口既女仔。到底呢度是咩地方，我真係好想知。可惜我地聽日就走。
