一講起長沙 好多人都以為係返大陸 其實去長沙好方便 唔洗過關 唔洗帶證件(杜如風mode) 8-) 係東涌大嶼山巴士總站搭11號, 23號, 11a(假日服務)都去到 而價錢最平係11號 http://www.newlantaobus.com/R11-20150716.pdf ***注意 有好多巴士都係舊式 冇顯示下個車站係咩 亦冇落車鐘可以禁 遇到呢d車千祈唔好坐咁後 因為去長沙唔洗好耐 大概30-35mins 而且通常好少人會係呢個站落車 如果坐得太後 你要用一把雄厚既聲音大叫 " *0* / 有落 ! " 萬一咁唔好彩司機聽唔到 miss左一個站的話 行返轉頭要10mins ...... 而離開果時盡量避開人多既時間 因為中間站 所以好多車都爆滿 要等幾班車先上到 幸好班次都尚算密 人少係我鐘意呢個地方既其中一個原因 但最主要都係因為近我 : ) haha... 住葵青區要入西貢真係太遠 長沙 - 沙好幼 可以任你跑 (有玻璃你都要跳落去 我就幫你唔到) 有時都幾大浪 唔洗驚 行到好出都只係到心口 (農曆7月我就唔知啦...((寒))) 雖然水唔算清 但好多時都會見到一羣魚仔係你身邊游過 仲有大魚會跳黎跳去 海岸線好長 分左上長沙&下長沙 中間位冇救生員 好多人係到打波 釣魚 衝浪 摸硯 地方大 唔洗驚整到人 聽d村民講 每逢8月初一十五都會有好多沙白(大隻d既硯) 記得太細隻既記得唔好拎走 唔好咁貪心 當然最好就唔掘啦 長沙前面有個島 成隻龜咁 而後面座山就永遠都有一大舊雲係到 我成日都覺得佢係"KICK"住左係到 上下長沙灘有得沖身(凍水) 有更衣室 有士多 士多有得食公仔麵 有locker 有餐廳 有幾間都幾吸引 下次試下先 ! 近年長沙愈來愈多人 *唔知關唔關4個女仔3個bar事 仲多左好多大陸人 係咪香港旅遊書有介紹? 有次見到個操普通話既人飲醉酒 擱淺左係沙灘 遠睇以為佢產卵 之後佢嘔到一地都係 8-O 雖然好想話比人知長沙有幾靚 但又唔想咁多人去...haha 好矛盾 :roll:
