上網見到梅窩某酒店 有生日優惠 - 2日1夜包早餐, 蛋糕, 兩杯紅酒及以半價食半自助晚餐 一心想近近地係大嶼山享受假期, 雖然沒有太大期待...點知 :- 大概17:30左右先到達排隊check-in, 都幾晏啦!? 企我地前面有個日本女人投訴等左2個鐘都未有房(用簡單英語) ...唔明執咩房要2個鐘 好彩我地都只係等左15mins.., 上到房都冇太大驚喜, 但都尚算正正常常 *張double bed...係兩張床痴埋一齊再係上面加張大床單..haha 冇view....樓景+地盤景....實用指數5粒星, 拉埋個窗簾say goodbye 銀礦灣個沙灘隔離起緊野, 整到個海好污糟, 差唔多10年冇黎, d野好似愈來愈差 晚餐, 主菜有ABCD餐你揀, 我地揀左牛扒 - 質素可與大家快樂&美麗快餐比較, 仲有少(微)量沙拉, 湯, 甜品任君選擇, 沙拉冇沙拉醬...fine ! d侍應個個飲澳洲牛奶大 ! 串到呢~~又10問9唔應...! 極速食完想離開, 多謝$150 each***已經係半價...留意番! 拎走個蛋糕同紅酒上房食, 佢將d紅酒倒左係茶餐廳用既紙杯到 OK…我唔介意 個蛋糕我唔識形容, 似係用隔夜飯整出黎…(第一次整蛋糕既你, 恭喜晒! 你整得好過間酒店) 見到個樣已經唔想食, 成磅咁大又唔想蹝野, 我食左一啖…對唔住, 我係大蹝鬼 蹝到連佢第二日既早餐都冇食到就走 第二朝想confirm佢check-out 既時間 (拎房果時冇提過, 我又唔記得問), 訓到大概11:30打落去reception…冇人聽 冇人聽.. 冇人聽…冇人聽.. 之後行落去lobby問人, 見到一班人係到傾計….答案係12點check-out, 即刻雞咁腳跑上去拎番個袋就走 at 12:10 過左check-out時間 Oh my Crystal…我….入…唔…番..間…房 ~~~ ! :evil:
