今日我又收到應徵者CV，每到尼個時間我都幾開心，因為平時做野好悶，可以睇下人地啲CV都算係冇咁悶嘅工作。不過，有時有啲應徵者份CV會睇到我好唔舒服，唔關應徵者嘅背景或經驗事，而係份CV document本身好多小瑕疵。例如：Job duties用bullet point去描述過往工作經驗，但每一個點第一個字有啲係大階，有啲係細階。過往工作經驗個日期格式又唔一致，有啲月份用數字有啲用英文。Cover letter唔對齊左右。我一路睇，一路覺得周身唔聚財。我超想搞番好個格式，因為真係好唔順眼，一開份文件一望就會見到尼啲問題。我同同事分享尼啲小瑕疵，佢就覺得我有強迫症。我真係想知係得我會有咁嘅諗法定所有HR都有呢？究竟係行業特質定係點？
