話說，本HR之前返工間公司有個男design director，佢脾氣暴躁，成日鬧下屬，有時仲會出手拍打下屬(大部分打嘅都係男下屬，但男女都照鬧)。佢未成為director之前，有位director係上面，佢都算收歛啲，但自從佢升咗做director之後，就變本加厲。已經有唔少同事被佢鬧走，有同事同HR投訴，即係我。我都有搵個director傾，但佢列舉出下屬嘅錯又話唔可以忍(小錯不改就會變大錯)。咁我都認同有時佢啲下屬好新，做野一定未有咁多經驗，但都唔可以又鬧又打。同埋，佢不停整走人，根本無人做得長。做得長個啲，又唔係佢嘅下屬。總之，傾完一輪，結論就係佢話會注意啦。不過相信大家都知道，江山易改，本性難移。之後情況根本就無改善。最後，一班同事聯名寫email俾老闆，老闆都同個director傾咗。但連老闆都解決唔到，因為director只係收歛咗2-3日，又變番之前咁。我辭職前嘅情況就係director繼續又鬧又打，下屬繼續投訴，唔忍嘅就走人，HR繼續in人返嚟俾佢鬧。老闆知道情況都隻眼開隻眼閉。
