其實聖誕唔離開香港都有幾多野行下，無論一家大細，一對對定係成班Friend子都可以去行下睇下，最緊要可以一齊過！小編自己走訪過一次，綜合以下地點和想法，大家可以參考一下！ 先介紹一下港島區先： 1. 銅鑼灣 - 川島小鳥香港攝影展 如果大家有留意facebook的話，之前Celine 楊鎧凝拍左一套寫真集引起好大迴響，當中攝影師將7歲大既小朋友拍到好似18禁既靚模咁，亦引用呢位日本攝影師川島小鳥拍的照片，說明「小孩子是這樣拍的」，照片內充份表達到小孩子天真無邪的一面，畫面充滿溫暖，唔怪得這個攝影展命名為「小確幸寫真館」了。 淨係望到個玻璃屋已經覺得又日系又溫暖 除了日本的未来ちゃん，還有台灣和香港取景，當中有徐榮女女「包包」，一起走訪多個香港地點拍攝最自然的一面，每張相都充滿著幸福感覺。 還有一個小角落讓你扮「未來式鬼臉」 除展覽外，如果捐$100或以上比香港展能藝術會，會送你一套六張的限量版明信片，有興趣大家可以去睇下丫！ 展覽詳情： 日期: 2016 年 11 月 28 日 - 2017 年 1 月 2 日 開放時間：12:00nn-10:00pm 地點：銅鑼灣 Hysan Place 啟超道地面 (銅鑼灣站F1出口) 銅鑼灣 - Time Square 白色聖誕節 今年聖誕都可以留在香港玩雪球砌雪人喇！因為時代廣場果到搭建左一間有堆雪人，有小斜玻玩滑雪板，又有掉雪球，仲有企鵝同北極熊（公仔黎既）嘅屋，希望能令大家有一個白色聖誕嘅體驗。不過想玩就最好預D時間去排隊，相信都吸引幾多人！ 唔想排隊的話還有聖誕老人和美女助手在場一齊拍攝3D照片，個個都爭住同聖誕老人影相呀^^ 點擊圖片放大 大人細路都一樣玩得咁開心！ 展覽詳情： 日期: 2016 年 11 月 24 日 - 2017 年 1 月 1 日 開放時間：10:00am-10:00pm 地點：銅鑼灣時代廣場露天廣場 銅鑼灣 - 皇室堡聖誕蛋王哥又黎喇 仍然係人氣巨大既蛋王哥進註咗皇室堡同東角附近，雖然範圍唔算好大，但好多影相打卡位！每隻公仔都忍唔住想影返一張相！ 小朋友玩得多開心 我要帶你返屋企 還有禮物店（限定！必掃） 展覽詳情： 日期: 2016 年 11 月 6 日 - 2017 年 1 月 2 日 開放時間：10:00am-10:00pm 地點：皇室堡地下中庭 港島區 – 中環置地廣場 巨型馬戲團音樂盒 呢個不單止佈置十分精美，仲每隔一陣頭頂的公仔會移動同播歌，仲有全部動物公仔都會一齊大合奏表演，成件事好靚好有氣氛。剩係欣賞都可以睇半小時！ 點擊圖片放大 +2 小朋友正在玩地上的投射聖誕老人 展覽詳情： 日期: 2016 年 12 月 2 日 - 2016 年 12 月 31 日 地點：中環皇后大道中15號置地廣場 假期想喺香港遠離繁囂? 可以點擊以下離島區酒店住番一晚！ #HotelsCombined 特約作家-TOMO的快樂宇宙
