老媽子生日，諗住帶佢去食啲好嘢，聽朋友話呢間唔錯，就諗住嚟試下睇下點。裝修都幾唔錯，夠大方得體。咁啲前菜都ok啦，正正常常開下胃咁款。跟住就係個魚翅喇，唔係講笑，真係好足料，好濃嘅雞湯味入晒落啲翅度。 個套餐仲有雞尾酒，係有少少重嘅，但對於我呢啲新手嚟講，用嚟送海鮮都ok。 跟住係個鮑魚，雖然我係個孝順囡，畀咗半隻鮑魚比老媽子食，但真係有啲後悔自己冇食到。:( 個鮑魚汁好ok，係嗰種唔係好澀，又唔會水汪汪咁，同埋煮得好入味，彈牙得嚟亦都好紮實，龍袍處理海鮮真係有返咁上下。 最後都有啲菜呀，清清哋，媽子鍾意食得健康啲，我又得姐。 價錢係少貴嘅，但我食齊鮑參翅，又夠高水準，我覺得呢個價位已經物超所值啦。
