Kanebo家既LUNASOL化妝品一向出名，不過我就一直未試過~ 今次有幸一試佢既Skin Modeling Water Cream Foundation真係好興奮!!!! 一打開就見到金銅色既包裝，感覺好高貴呀~! LUNASOL Skin Modeling Water Cream Foundation ($ 490 / 30g ) 含水量達60%，令人感動的觸感，再進化。 添加護膚保養成分WATER KEEPING FORMULA，全天候潤澤肌膚。 藉由自動打光技術，從肌膚內部透出自然光澤，襯映肌膚，打造成淨透亮的光澤美肌。 功能全新系列採用鎖水功效超卓的，帶來高度保濕，質感的粉底霜， 達至極柔軟易推、具備令人意想不到的輕盈觸感，長時間保濕，預防肌膚乾燥。 今次試用冇得揀色，而我呢個係OC02色系，我相信係自然色黎，所以同我D皮膚都match，好彩^^ 扭開仲有一塊膠蓋仔，一來衛生d，二來可以避免個Cream Foundation冇咁易乾~幾好~ 佢仲附加一支小膠棒，用黎拎Foundation，都幾貼心呀^^ 用法都好簡單，只要使用修飾乳調理肌膚後，以專用粉撲或手指沾取適量，均勻塗抹就得ga啦~ 佢雖然話係Cream Foundation，但比一般Cream Foundation 輕身水潤， 感覺唔會好厚身，所以都幾易推開，冇黏腻既感覺，潤得黎幾爽，good! 我冇用到base，直接就上呢個Skin Modeling Water Cream Foundation~ 出黎效果都唔差，淡色既印都遮得七七八八，深色既就要再用遮瑕膏啦~ 可以遮到毛孔，而且因為佢有半透明聚合物，可以吸取光線， 所以出黎既妝更加有剔透感，皮膚睇落有光澤，真係唔錯呀!! 另外佢本身都有SPF20 PA++，而家既日子唔額外加防曬都應付到， 唯一係個價錢比較貴，如果可以經濟返小小就更加好啦^^
