保濕同美白係我一年365日都非常重要既一環~~~~~ 所以去旅行既時候，我都會留意下當地有咩平靚正產品好用^^ 近期我去左泰國，又買左一大堆好用既產品啦^^ 同大家分享下我買左D咩順便講下我既日常美白心得啦~ 去到泰國，BOOTS當然係必掃啦，因為真係好鬼平!! 不過BOOTS既護膚品我就好小買，次次我都係掃好多美白保濕既洗面產品同身體磨沙~ 綠色果5支同白色果3支都係同一個青瓜系列黎~白色既仲加左美白成分tim^^ 佢地都係一d係3分鐘清潔Mask同潔面磨沙，仲有一支係美白lotion~ 之前用過都唔差，重點係好平，為返1支都係20蚊內，所以勁掃呀!!! 而另外3樽大圓樽就係身體磨沙黎，100蚊有3大樽!!超抵~ 不過呢支d磨沙就小左d，但用完d皮膚會白左啦、好滑同埋都夠潤~ 買到做埋boots既會員，以後係泰國買boots都有5%折扣呀~哈哈~ 美白第一關我覺得係由防曬就起，好好保護皮膚唔好受紫外線影響真係好緊要ga!! 所以我都有好多防曬產品，平既貴既我都有用開~ 面部覺得好用既有sofina啦，我用左好多年ga啦，真係好好用，不過就越賣越貴lu~~ 而clinique同kiss me果支就有色既，有時懶化妝就會用佢地ga啦~都唔錯ga^^ 身體防曬我都係用kiss me同boots果支美白， kiss me就夠平同埋都幾防水~有水上活動用佢最岩!! kiss me我之前都有介紹過，有興趣睇可以按我回顧 ~ 而boots支美白lotion有埋防曬，平日都係用佢，主要都係用黎搽手腳既~都幾好用，唔會笠，咁平好抵用!! 護膚品我就比較講究啦，始終留係面吸收既時間最長嘛~~~所以都會用得豪d~哈哈~ 平時用開既有Dermacept美肌亮白C10美容液、SKII既Cellumination環采鑽白精華同埋IPSA~ 係呀，三支都唔平ga，不過如果3支裹面再揀，我比較推薦Dermacept同SKII~ IPSA果支我用左3樽定3樽之後，覺得個效果冇咁明顯Lu…唔知係咪皮膚已經習慣左~ Dermacept果支係10月果時初次接觸既，按我回顧，用過之後真係好鐘意!! 就黎用哂啦，不過我會keep住買~ 而SKII我就係2011年keep住用左而家啦，老實講佢真係貴~ 但用左佢d皮膚真係有改變，佢唔係一味白，而家feel到你有透白既感覺~ 所以就算係貴我都keep住用佢lor^^ 加上我朝早唔用美白產品淨係用保濕防曬， 所以一支都可以用好耐，除返開都ok既^^ 另一樣推介俾大家既都係我係泰國買既，就係椰子油~~~~~ 係朋友介紹我用椰子油既，上網睇返功效好勁ga~ 不單皮膚容易吸收，發揮明顯滋潤作用~更可助去除表面的已死細胞，促進新皮層生長，使皮膚光滑亮澤。 椰子油亦可強化皮下的結締組織，具有優良的療癒和修補功效，使皮膚豐潤，減少皺紋； 同時可防止有害的自由基形成，預防由陽光或老化所致的皮膚色斑。 雖然椰子油並沒有展示一般防曬商品的功效指數，但由於能被皮膚表層及結締組織的細胞吸收， 可阻擋過量陽光的傷害，防曬效果至佳。 係泰國真係好多地方都見到油既蹤影，有好多牌子揀~~~~~ 我買呢隻係純椰子油，除左搽皮膚佢仲可以食用ga， 拎黎食仲可以有增進甲狀腺功能的作用，可以降低膽固醇， 幫助抵抗心臟病、抗老化、抗肥胖、抗大腸癌及乳癌等等，個泰國人推介呢隻好所以就買lor^^ 我買1000ml，THB500，為返港幣大概130蚊左右啦~咁大支好抵呀~有牌用^^ 而家天氣凍佢會變左一舊臘咁硬硬地，放係手掌暖下佢而變返油，好得意~ 雖然佢係油，但搽上去唔會油笠笠，吸得好快仲有好香椰子味tim~ 而家天氣凍咁乾燥，而岩搽哂護膚品再搽一層上面，會無咁乾ga^^ 用左差唔多一個月我覺得皮膚真係冇咁乾同埋有白到呀^^ 要美白，敷mask都係唔小得，我都係平既貴既都有用~~~ 最好用依然係SKII，不過太貴唔捨得成日敷，大概兩星期一次啦~~~~ 其他日子就會用下DEARY、Garnier、Leaders Clinic咁，潤之戀既eye mask都唔錯^^ 最後一樣真係我超級推介既，去泰國一定要買呀!!!!就係防曬粉~~~~~ 我第一樽用既防曬粉係Johnson & Johnson出既，不過呢2年去都搵唔返~ 可能已經冇出啦~所以今次就試下其他牌子^^ 橙色樽雖然有韓文，不過都係泰國出既~~~見佢個樽幾靚第一日就買左返去試~ 大家都知泰國天氣勁熱，不過用左佢真係一日都唔溶，超級貼妝~!!所以第2日即刻掃多支啦!! 另一支係PONDS出黎，都係未試過ga，不過PONDS出返都有信心既~~~~ 重點係超平，為返港幣都係6-7蚊左右，點可能唔買!!!! PONDS同橙色果支都係防double UV同加左維他命C既， 分別就係PONDS係粉紅色既粉，橙色果支就係橙色既粉， PONDS上面就比較白，橙色果支就比較自然，但就有香味既~ 2隻D粉都係超級幼細，好似爽身粉咁滑，同左D毛孔都遮得好好~同冇用有明顯分別ga^^ 最緊要係好貼面，用左佢我就冇溶妝既問題，而且係泰國防曬再加佢，返黎真係冇咩點黑到~ 美白係長久戰，年復年，我開始到收成期啦^^ 雖然未係完美又或者超級白，但覺得自己d皮膚都仲見得下人呀^^ 以上就係我小小既美白心得同推介，雖然好多野我都係泰國買既~ 不過我相信香港一D賣東南亞既小店or網上都會有得買我介紹既產品~ 希望大家會鐘意我既分享啦^^
