Scholl既夢の纖腿襪應該冇人會陌生啦~佢一出果時真係好HIT ga~我都好想買，不過次次佢有折都錯過左~ 今次竟然俾我恨到有得試，真係超級開心呀^^ 雖然佢叫纖腿襪，但佢唔係幫你減脂肪ga，其實我覺得佢叫壓力襪比較適合~ 因為夢の纖腿襪係一對專為睡眠纖腿設計，係睡眠時間進行纖腿， 利用分階段壓力設計，改善腳部循環，幫助收緊肌膚，一夜間有效減輕腿部水腫~ 打開就見到佢既真身，係一對薰衣草色既長襪仔~ 而且夢の纖腿襪全脚体設計，令全足得到舒緩，有效消除腳部疲勞~ 加上無足尖設計，有助休息時散熱~ 質地係棉質，令人穿得舒適無比，而且彈性設計能配合睡眠時足踝姿勢~ 佢最特別而且最有效就係吒個足踝21hPa · 小腿16hPa · 膝上11hPa既分階段壓力設計， 係唔同既部分加適當既壓力，改善雙腳循環，有效咁令雙腳去除水腫~ 著上腳果時要注意返d壓存位係咪係適當既位置呀，要岩位先可以發揮最大既功效嘛^^ 另外佢仲有個小tips，就係著完纖腿襪可以由足踝開始至膝蓋背後位置，緩緩地向上按壓10秒共5次~ 之後溫柔而緊緻地按鬆膝蓋內側位置，每次10秒，共 5 次~ 最後由足踝開始至膝蓋以下小腿前骨的位置，由下而上溫柔而緊緻地按摩，每次10秒，共5次~ 咁樣可以令對腳更加靚ga!!!!! 我就著左佢5日，我著既方法係著2日停1日，之後再著2日~ 一來對纖腿襪要洗下啦，二來可以等對腳休息返一日~ 咁出黎既效果係有ga，因為我對腳正正係有嚴重既水腫問題， 喧著左佢確係另我對腳瘦左，由31.9cm 減到30.7cm，total減左1.2cm呀， 當人手度有1~2mm誤差，我都減左1cm呀!!可想言之我水腫幾咁勁!!! 我連腳跟都有度埋，由21.1cm減到佢19.3cm，足足減左1.8cm!!!太誇張啦!!!! 我唔知呢對襪對肌肉形小腿有冇效，但對好似我呢d水腫形既一定有效!! 同埋我覺得著佢一d都唔辛苦，唔會話好緊好焗，呢幾日咁凍著住佢訓仲好暖tim^^ 我而家明點解賣得咁貴啦，真係一分錢一分貨~而家搞到我心思思想買埋日間果對呀~哈哈哈~
