今次行條輕鬆既路線 -- 赤柱 犀牛石！港島 東有龍脊；東南有犀牛點解咁講？因為個無敵深藍色大海刻印在我的腦海。還未摸到犀牛就已經首先影飽個海～ 乘搭巴士14號到總站，在赤柱軍營閘門側的樓梯起步。走一段梯級後，不久就會到達斜炮頂的標高柱。因為當天是假日，所以人流都比較多，在標高柱旁站著小休的我們，突然旁邊有位阿姨話「哇！你地曬到好黑，好健康嘅膚色，好襯呀！」，心裹開心暗笑，小麥色真係好正。 在標高柱休息了一會，我們繼續向犀牛前進。轉入右側的小路，一路跟著絲帶路往前下降。中途的一段路會較斜，而且開始較少樹木遮陰，但此代表景觀開揚。有海景之餘還可遙遠挑望赤柱監獄，離遠都可間中聽到獄中人士在操場打波的聲音。 因為山上面對著大海，遼闊的範圍令山坡上出現不少風化石，亦是這些奇石，開敞了這條打卡路線。路程雖然短，大約2小時就到，但中途有些攀爬位，都需要小心行事。 終於到達犀牛石啦！石上的紋絡真的如同現實般的犀牛。都話係打卡位，排晒隊啦。好彩排隊嘅位有得遮，如果吾係等咁耐就真係曬到傻...要爬上犀牛背或者犀牛頭影女神相打卡，首先要有足夠的膽量。要從犀牛尾爬上去一點也不易，石牆又直又無腳踏位，唯有靠旁邊的矮樹輔助，不少女生都需要爭扎好一段時間。 因為男小編有畏高症，在此就不賣命了，哈哈。非常建議天氣好的時候到訪，適合想作戶外活動又不想太chur的你。探訪完犀牛就原路折返回赤柱食晚餐啦！
