用飛行里數去了西雅圖6天, 今次沒有麻煩朋友送我到機場, 自己開車日泊美元$20, 去到停車場發現有個挺好的新裝置, 就是每個車位天花上都有一個小燈泡, 亮紅色=有車, 亮綠色=無車, 車場很大, 那連綿不絶、紅紅綠綠的燈泡, 給人一種聖誕feel之餘, 又可以方便司機搵位, 離遠就望到那裏有位泊, very nice! 在美國坐飛機, 過海關checkpoint都幾麻煩, 要除鞋、除外套、除金屬用品、過全身素描器 (要分腿站立並舉高雙手來scan), 除下來的東西要逐一放在提供的膠盤中, 電腦及手機就規定要分開放, 之後這一盤二盤的個人物件會被輸送帶運經檢查器, 另一邊就是那班剛被照完肺、一個二個無著鞋的旅客在手忙腳亂地找回各自的東西, 其實都好鬼狼狽, 我就見過一些貪靚一族, 穿對長筒款converse, 光是鬆綁鞋帶都用了五分鐘! 而我呢? 梗係著拖鞋啦! 仲會盡量穿較鬆身的衫褲, 就算屈在飛機上都會屈得舒服些, 遇到冷氣大, 將雙手縮進寬衣內取暖, 一舉兩得! 3個多鐘頭的短程機, 無免費餐食, 只派了兩次飲品, 之後厠所就會排長龍, 我一於貫切本人原則, 出街盡量少飲水, 避免要用公厠; 大部份人都在小睡, 包括我隔離這位美(國)女(人), 她那條圍巾很好用, 我見美女先用它來包頸避冷氣, 跟住冚埋眼遮光, 走之時就打斜綁在膊頭當時裝, 有計! 今次在Seattle 不打算租車, 會搭light rail 直接由機場去downtown落腳的酒店, 詳情下回再續。 to be continued ... Instagram: @hongkongerinusa Facebook: https://www.facebook.com/hongkongerinusa
