東姑阿都拉曼國家公園由五個島嶼組成, 沙碧島(Sapi), 馬奴干島(Manukan), 嘉亞島(Gaya), 馬幕迪島(Mamutik), 蘇祿島(Sulug)。 第一日我們到酒店放行李之後,就去碼頭買套票隔日出海到島嶼玩樂。 而我地淨係選擇左去沙碧島(Sapi)同馬奴干島(Manukan)，因為我地計劃中,無太多時間可以出海玩,而一日玩兩個島其實已經係極限。 價錢方面，其實算係合理，我地兩個雖然係成人，不過我地一直話自己係小孩、係學生，希望佢降低價錢，總之你用你既方法去哄佢啦! 但係你唔會好似平時街市買送咁，同人地講價，因為當地人既笑容係令你好難去咁做，佢地知道我地覺得貴，就會計平D我地,又會話送呢樣果樣。 雖然好似好正，不過計返條數其實都只係合理既價錢，一個人我諗都係HKD2-300左右。我諗大家都知去到D島嶼有咩好玩，除左陽光與海灘，仲有唔識游水都可以玩既浮潛，仲可以享受自助餐，但好唔好食就見人見智。(我就覺得唔好有咁大期望) 去沙碧島(Sapi)玩浮潛既時候，游游下會覺得好痛，因為原來周圍都有水母，雖然係門口有告示牌去提醒我地，不過都無可避免地中招。 之後去馬奴干島(Manukan)就有自助餐啦，有多人係島嶼上食野，不過一黎唔好食，二黎就坐得唔舒適，同好多蒼蠅。雖然，加D錢就可以套餐變食自助餐，但就唔太抵食，不過係個島上面你都無咩好揀。 導遊方面，當我地買套票既時候，接待我地既人叫HANDSOME…佢自稱 XD 雖然佢地D英文唔好,不過算係勉強溝通到。當然，佢唔只招呼我地兩個，佢仲有其他客人，但佢會同你夾時間，睇你地幾時想去另一個島玩，就會開船黎搵我地，就算自己黎唔到，都會叫佢既朋友嚟載我地，佢全程都好少去玩，係睇下附近D人有咩需要幫手。 之後，佢會介紹我地沙巴仲有咩好食好玩，我地同佢講想去馬奴干島(Manukan)，即獵頭族村落，佢就話會安排車嚟車我地去，當然要收錢啦。另外佢仲強調係沙巴釣魚好正，不過HKD500一個人，對我地大學生嚟講實在有D貴。 (待續…)
