從最有代表性嘅櫻花名所，到小眾嘅櫻花景點，Holly 為大家送上京都櫻花攻略。 以下介紹嘅櫻花景點 Holly 全部都親身去過，按預測開滿嘅時間排序，到時可以按照開花狀況，彈性決定行程。 1. 醍醐寺醍醐寺有過千年歷史，係世界文化遺產，日本櫻花百選之一，寺內嘅櫻花高大瑰麗，花朵繁密，自古有「花之醍醐」之美譽，係京都最有代表性嘅賞櫻名所。醍醐寺分上下兩部分，最美嘅櫻花在山腳「下醍醐」的三寶院、伽藍和靈寶館，而行上山上嘅「上醍醐」需要1個鐘 (寺院需另外收費)，因此，黎睇櫻花嘅話，集中參觀「下醍醐」就可以了。Holly 覺得醍醐寺最靚嘅櫻花喺靈寶館，裡面近200年樹齡嘅「醍醐深雪櫻」令人讚歎，其他嘅櫻花樹都好靚，係夕陽之下超美。 參觀費用「下醍醐」的「3景點通票」成人費用¥1,500， 初高中生¥1,000。 交通1. 地鐵乘轉巴士 – 乘京都地鐵到「醍醐」站，再轉社區巴士 (一日乘車券¥300, 一出地鐵便可看見巴士站，職員會來售票，車程約5分鐘，大約每10-15分鐘就有一班車)2. 乘地鐵到「醍醐」站，步行15至20分鐘3. 從京都駅直接乘巴士 (車程30分鐘)4. 從JR山科駅/六地蔵駅乘巴士 (車程20分鐘)2. 京都御苑昔日嘅皇家花園，以早開嘅枝垂櫻為主，集中在「近衛邸跡」，裡面嘅枝垂櫻花如雨下，又名「糸櫻」。京都御苑位於京都市中心，所以好多當地人來參觀。 開滿預測以枝垂櫻為主，3月下旬左右開滿 參觀費用免費 交通1. 乘京都地下鐵到「今出川」站，步行5至10分鐘。2. 乘市巴士到「烏丸今出川」站。(京都嘅市巴士太唔好坐，無位之餘，仲經常性迫滿人，因此小編強烈建議大家乘地鐵。)3. 涉成園涉成園位於JR京都站附近，係東本願寺的別邸，一座典雅嘅日式庭園，雖然唔係熱門景點，但櫻花璀璨，遊客唔多，容易拍照。 涉成園與東本願寺只有五分鐘步行距離，雖然東本願寺無櫻花，但建築壯麗，可一併參觀。 參觀費用¥500 交通1. 從JR京都站步行 10-15分鐘2. 乘市巴士到「烏丸七條」站，步行 5 分鐘3. 地鐵烏丸線「五條」站，步行約7 分鐘。4. 知恩院知恩院位於八阪神社和円山公園附近，櫻花唔多，但頗大棵，係早開嘅櫻花景點，當円山公園嘅櫻花只開咗一成時，知恩院已經滿開了。 每逢櫻花季，八阪神社和円山公園一帶都有很多攤位賣小食，可以連同知恩院，一同參觀。 參觀費用¥500(聯票)，¥400(方丈花園)，¥300(友禪園) 交通1. 乘市巴士，在「祇園」或「知恩院前」站下車，步行約5分鐘2. 乘地鐵到「東山」站，步行約10分鐘3. 乘京阪電鐵到「祇園四條」駅，步行約10分鐘4. 乘阪急電鐵到「河原町」駅，步行約10分鐘5. 三年坂三年坡，京都石坡路嘅代表作，與清水坡、二年坡、石塀小路和寧寧之道相鄰，兩側是傳統典雅嘅日本建築，係參觀清水寺一帶時必到嘅地方。上次小編來時，清水寺嘅櫻花未開，所以沒有上去，反而遇上三年坡早開嘅垂櫻。 三年坡只有一棵櫻花，很少人會特別介紹，但呢棵大垂櫻啱啱生係地勢較高嘅地方，令到整個街景構圖好靚。要留意嘅係，呢個位置真是超多人，很難與垂櫻合照，但單純影風景相就無問題。 參觀費用免費 交通乘市巴士到「清水道」或「東山安井」站6. 祇園白川漫步在祇園白川，望著櫻花係傳統古老嘅茶屋前隨風搖曳，彷彿回到江戶時代。 參觀費用免費交通1. 乘京阪電車到「祇園四條」駅，步行約3分鐘2. 乘阪急電車到「河原町」駅，步行5分鐘7. 蹴上鐵道傾斜的蹴上鐵道，兩旁種滿咗吉野櫻花，現時已經荒廢，沒有電車行走，如果人不多嘅話，真是打卡一流，但小編在早上10點來到時已經多人，如果想影到少人嘅相，要更早來了。 蹴上鐵道和下面介紹嘅岡崎疏水和平安神宮很近，建議安排在一起參觀。參觀費用免費 交通乘地鐵到「蹴上」站8. 岡崎疏水清澈的水道，兩岸種滿了櫻花，盛開時美不勝收，當小舟經過時，便成為很有詩意嘅場景。如果時間充裕，可考慮乘搭小舟，穿梭在水道之中，慢慢地欣賞漂亮嘅水色和櫻花。 參觀費用免費岡崎十石舟：大人¥1500、小學生¥800、幼兒(3歲以上)¥500 交通1. 從蹴上鐵道步行過來約5分鐘2. 乘地鐵到「蹴上」站，步行約10分鐘3. 乘市巴士到「岡崎公園(美術館)」站9. 平安神宮以朱紅色為主調，頂部用上綠釉瓦，平安神宮地方偌大，櫻花種類繁多，除了吉野櫻，也有比較晚開嘅品種「八重紅垂櫻」，4月中旬依然盛放。 參觀費用成人¥600，小童¥300 交通1.從蹴上鐵道，經岡崎疏水步行過來，約20分鐘2. 乘市巴士到「岡崎公園美術館・平安神宮前」或「東山二條・岡崎公園口」站，步行約5分鐘3. 乘地鐵到「東山」站，徒步約10分鐘10. 仁和寺世界文化遺產仁和寺，以「御室櫻」聞名，日本櫻花百選之一，京都最晚開嘅櫻花，是遲咗來京都追櫻嘅朋友必來嘅地方。 「御室櫻」長得比較矮，花朵茂密，顏色偏白，喺仁和寺嘅五重塔和其他古建築下，別有一番風味。 交通乘嵐電到「御室仁和寺」駅參觀費用成人¥500，中小學生¥200
