落雨落咗2個星期，想出街指數爆燈，日日睇住天文台邊日會稍為好天。 黑雨總算落到盡，天氣一稍為好轉就心動想出街，難得好天當然去郊遊去野餐啦，不過天氣咁唔穩定好多野都好難預算。 天文台預計要到星期六日先會好天，本來都打算星期日天氣穩定先去野餐，但點知6月30 傍晚個天色又唔錯，於是臨時組團決定7月1出發。 由於帶住個小魔怪，所以平時野餐前我都會做好多準備，不過今次咁即興，完全唔夠時間整下小蛋糕同小饅頭，所以今次我揀咗Lagom Kaffe 聯乘藍妹啤酒和Peanuts time 合作推出嘅野餐盒外帶租借套裝，除左打卡必備用品外，還包括10款每日新鮮焗製嘅咸甜點、藍妹及Hoegaarden 全新Botanic 系列新口味各一枝，只需要提前一日透過樂感 Apps 訂購，第二日一早去到牛頭角Lagom Kaffe 就可以取餐，非常方便！ 牛頭角 Lagom kaffe 觀塘道348號國際貿易中心1樓101號鋪 下載樂感Apps 後首頁頂頭就見到預訂野餐套裝，點入後選擇你預計出發取餐日期，加入購買車就可以比錢喇！ 乜都唔洗準備就出發，原來係咁身心舒泰~! 一早開車到牛頭角Lagom Kaffe(唔好去錯觀塘果間），上到去同職員講訂咗野餐籃，好快就有人拎齊全套食物出黎，而野餐籃裡面已包括了野餐打卡必備用品，例如野餐墊、乾花束、餐具和酒杯等等，夜晚6點前先歸還，等你飲飽食醉慢慢嘆。 牛頭角附近有2個野餐勝地，一個係喺正隔離嘅觀塘海濱公園，一個係佐敦谷公園。 由於野餐之外，比Biiru 放電都係一個大目的，所以我地揀咗去佐敦谷公園。 11點幾過到去，車位仍然好充裕，唔洗等，方便，輕鬆👍🏻 打開野餐籃，攤開野餐墊，在陽光下慢慢將用具拎出黎時，我覺得自己好似拍緊沙龍咁😂原來野餐可以咁有feel。 點擊圖片放大 之前試食過Lagom Kaffe 晚餐，不論環境同食物都非常高評價，所以對佢衣個野餐套裝，有信心之餘亦份外期待。 花多眼亂唔知食邊款先好，套裝屬2人份量，當個輕食Lunch 其實已經好足夠。 由於套裝包含咸甜點，所以食咸定甜先自己睇吓有無喜好排序了。 因為我肚餓，我最先食牛肉果三文治，濃厚牛油果帶有少少檸檬香氣，炎炎夏日下非常清新。 第二樣我揀咗芝麻焙茶司康配焙茶醬。 雖然我唔知司康是什麼，但我揀佢係因為佢個表面有d 似Brownies ，黑黑實實咁。 咬落去，無味嘅？可能一心諗住Brownies 咁會甜，所以喺冇睇Menu 嘅情況下，味道同視覺有點大對比。 其實佢唔係無味，只不過唔係甜味。 入口無耐就食出有陣清幽茶香，焙茶氣色明顯，如果放喺後一點次序食我覺得會更好。 再黎係外貌相當討好嘅士多啤梨麻糬吐司，由打開外賣盒開始我已經盯實佢，超迷你吐司造型，上面有舊士多啤梨，好別緻。 加強口感方便當然係入面個麻糬餡居功不少，咬落軟軟煙韌，食完會嫌佢太細舊~ 最後想特別介紹嘅係玫瑰荔枝蝴蝶酥，芝士、芝麻、黑糖...不同口味都食得多，咁清新嘅配搭都係第一次，非常值得一試👍🏻 不過我唔係食評家，好難一一分享哂所有款式，每人口味不同，最緊要係衣個野餐租借套裝又輕鬆又輕便，即興野餐都可以有好好嘅體驗！ 即日起至8月30日，樂感LAGOM 聯乘「藍妹」和「Peanuts times」推出《聽講June 想去Picnic》限定野餐盒外帶套裝，並提供相關租借服務 包括：10款咸甜點、藍妹及Hoegaarden 各一枝 或 冷泡咖啡 Cold Brew Coffee 2枝 和 素色系野餐用品 預訂方法簡單： 預早一日透過 樂感 Apps 訂購野餐盒套裝。翌日到牛頭角 Lagom Kaffe 取，出發！ *由於所有咸甜點均新鮮焗製，每天可供應數量有限， 預訂時請選定取貨日期呀~ 傳送門:https://bit.ly/3vGu5bt 其實我帶住個小朋友，真係未試過抱住少女心咁華麗地野餐，Lagom Kaffe 衣套野餐套裝可以話輕鬆地滿足到我今次即興野餐體驗，雖然我無一條飄逸郊野裙，但我覺得已經令今次野餐生色不少。 Ublog社交平台連結 Facebook Instagram Lagom Kaffe 社交平台連結 Facebook Instagram U Lifestyle App 影片專區《UTV》現已上架!美食情報、本地打卡丶女生扮靚丶開箱速 遞丶精選影片免費任您睇! 免費下載傳送門::https://bit.ly/3zuE4D0 App 逢星期三 3pm 有限時搶活動，每個星期換嘅現金券都唔 同㗎:個人護理店 HK$50 現金券、超級市場 HK$50 現金券、百貨公司 HK$50 現金券、 經典朱古力品牌 HK$50 現金券、單球雪糕禮券等等! 免費下載傳送門::https://bit.ly/3zuE4D0
