做開蛋糕嘅朋友，戚風蛋糕應該係必修課。對於新手亦都唔難，重點係材料簡單，諗起想食已經可以話毫無準備工夫情況下落手就做。今日做小清新豆腐戚風蛋糕，由於我唔太熟材料嘅黃金比例，所以整第二次先叫拿捏到。而做蛋糕過程亦發生了小意外，用咗有10隻蛋，原因係今批雞蛋質素好差，打出黎唔係散黃就有少少臭，一係就青青地搞到我差d 無蛋整落去，最嬲係打到最尾一隻先係臭蛋，全部浪費哂！戚風蛋糕可以有超級多變化，我只選擇簡單來做。今日個豆腐戚風，保留到香濃豆味，蛋糕體軟熟，我比自己合格~材料：6吋中空模（戚風蛋糕較輕身，依賴蛋糕模攀附長高，所以不建議用不粘模）現成山水/百福軟豆腐 60g豆腐水 12g細蛋黃 4隻菜油 24g低筋麵粉 72g細蛋白 4隻糖 30g檸檬汁 1茶匙做法：1) 搗爛豆腐備用2) 分別將豆腐水及菜油加進蛋黃並用蛋抽攪圴3) 加入豆腐用蛋抽攪圴4) 低筋麵包過篩 進蛋黃糊攪圴記得預熱焗爐180°c5) 將糖分三次加入蛋白用電動打蛋器打發，（在第一次時加入檸檬汁）。打發至濕性蛋白（蛋白霜呈彎勾）6) 將1/3蛋白加入蛋黃糊以切伴法伴圴7) 再加1/3 伴圴8) 將蛋黃糊倒入餘下蛋白霜中並繼續以切伴法伴圴9) 蛋糕糊倒入模具中，並蹬幾吓排走空氣10)入爐180°c 焗15分鐘後轉150°c 焗35~40分鐘 焗至金黃表面並用竹簽插入蛋糕，如果拔出時無蛋糕糊沾附喺竹簽即為已熟，拎出蛋糕蹬幾吓然後馬上倒扣。 ^倒扣至少2小時直至完全放涼類似文章低糖原味戚風蛋糕香蕉造型饅頭小朋友都食得嘅牛油曲奇
