期待了足足10個月,踏入第11個月終於迎來好消息。大家都說第二胎比第一胎易來,但我可比第一胎還遲了2個月。同樣地,又是失望到極致時才有生機。成功懷孕的前一個月,身體好像出現了微小變化,回想過來可能是走火入魔到爐火純青,每個月都太想成功,然後一點點小疲累和經期遲了一天而已,就天真地誤會了。那份誤會還令我心跳加速,真心以為今次十拿九穩。原來上天早有安排,二寶要等到在母親節時才告訴我。過去N 個月,經期有早無遲非常準時,亦因為咁上個月遲了一天,坐車暈了個車浪,我就以為終於得償所願。我果份渴求唔係咁易形容,可能係自己太貪心,有太多目標想如期之內達成,所以無形中為自己加添了壓力,一直日有所思地幻想,求神拜彿一定要中。經歷了徹底失望後,已經唔敢再有大期望 。所以今次,都無刻意幻想,無太多無謂假設,即使經期又遲了一天,我都同自己講,「上個月都遲咗。」雖然沒有大期望,但我沒有放棄,今個月比之前更精準地善用排卵試紙。 相信大家都有用排卵試紙嘅經驗,見到深色就做功課,咁仲可以點精準法?坊間有幾個說法:排卵期為期10天,10天內都係懷孕黃金期,只要驗到開始淺色,就隔日行房;驗到深色隔日行房;或者驗到深色時48小時內行房...等等。咁其實就算說明書指示好明顯,又問埋醫生意見,但大家都總會有一堆疑問:隔日行房即係行到幾時?隔日太密隔2日得唔得...先要理解,精子可於體內存活72小時,而排卵後卵子只存活24小時,即係話,太早做同太遲做,都係冇意義,但正正因為就算用試紙都唔知邊時邊刻排卵,所以才出現排卵期行房說法。而我今個月,就用排卵試紙,作出了較精準嘅預算、最緊湊嘅決定。就係連續2日做功課。當然,天賜禮物由上天決定,緣份要來就會來,並非數字可以計算出來。 但以下講解,就係想幫大家在有限時間和精力當中,盡可能抓緊真正黃金期。1. 首先,記得經期第一天起計第10日開始每天固定時間用試紙(如果月經週期較長可遲幾天。)2. 當驗到出現淺粉紅綫,就開始大半日驗一次,例如早晚各一次。3. 當驗到深色綫,當日可行房一次(圖中紅色心心標示)。至於隔日再做定點,就請繼續睇落去,了解後相信你能作出決定。黎到衣個步驟,我要開始講解一下計算法。假設你1號8am驗到淺色,然後大半日後,即同日8pm 再驗驗到深色:正常來說,1號晚上8點起未來48小時會排卵,當天行房係必需的。但其實當日早上8點驗到淺色後嘅任何隨後時間,都係出現「再驗會變深色綫」嘅可能,即係話,你晚上8點出現嘅紅色綫,可能已經唔係最早出現深色綫嘅時間。如果按衣個推斷,你可以作出幾個大包圍假設:情況11號中午12:00 已經驗到深色,即3號中午12:00 前會排卵;情況21號15:00已經驗到深色,即3號15:00前會排卵;情況31號18:00已經驗到深色,即3號18:00前會排卵根據上面例子,1號20:00驗到深色,即3號20:00前會排卵。即是話,最早和最遲排卵時段範圍是1號10:00至3號20:00。而排卵後卵子只存活24小時,我在上面假設的3個排卵時段後加上24小時(圖中紅色筆標示),即行房時機不能遲過4號20:00。見下圖: 圖中顯示以當你驗到淺色綫開始計算(1號8am),假設了幾個可能排卵時段,見圖你就能理解連續行房2天(垂直紅色心心和垂直剔號標示)才能包攬最多排卵可能性,是要好好把握的真正黃金期。相反,如果1號當天行房後隔日先再做(垂直交叉標示),其實只把握了排卵後的時間,而非在最黃金最多可能性期間內行房。這裡我假設了當你驗到淺色到深色的計算法,也同時說明了為何驗到淺色後必需於同一天或半天內再驗一次,如果你到第二天同一時間才驗,計算法要推前24小時才能計算,也代表48小時的行房黃金期你已可能浪費了一半。身邊有朋友都在積極備戰了多個月,上個月我跟她分享了衣個計算法,同樣連續2日做功課,馬上就迎來好消息了😍🥰🥰🥰🥰🥰 可能明天才是經期,所以驗孕試紙還未太清晰,心急嘅朋友如果咁早期但又想double confirm 的話,可以配合排卵試紙一齊驗多次,因為排卵試紙反應是比驗孕紙來得快。 ^相隔一小時用排卵試紙double check,顏色線是深色好多的今次大家成功,可能或多或少有因為這個計算法,讓我們堅持了連續2天😅但說到底,我知道緣份佔的比例是最大的,但渴望有寶寶嘅父母,應該都經歷過無所不用其極的時候,衣個方法,不妨又試試~各位加油呀!!!祝大家如願意嘗!