好耐之前做過一次，當時剛剛接觸自己做麵包，蒜蓉包對當時嘅我黎講非常複雜，食譜望完一次又一次，仲要寫低程序每個步驟翻睇。熟能生巧其實係一份感覺，唔係因為記得住食譜，而係當你一諗起佢，你唔洗猶豫，馬上預計到出爐時間，完全掌握到整個流程喺腦海。Sor，做個麵包姐，唔洗太感觸，何況對太多高手黎講係幼兒班，不過想藉此鼓勵吓自己，由原來一無所知不知所措到一切盡在掌握之中，想食就食果吓係幾咁自信滿滿。材料：高粉155g牛奶70ml糖8g鹽1.5g酵母3g雞蛋25g黃油18g已炒香白芝麻 適量蒜蓉醬：（焗完趁放涼先準備都未遲）黃油15g蒜蓉10g (蒜蓉醬可自製，將蒜頭去皮後加入適量橄欖油/葵花籽油...放攪拌機打碎或打蓉後再加入油浸過面放入密封瓶，用黎炒菜都好正！）蒜鹽1g羅勒 1/2茶匙做法：1) 所有材料落麵包機選「麵團」模式(除白芝麻外）-約1小時2) 停機後一發完成，拎出麵團排氣，滾圓，醒麵15分鐘3) 檊平為長形，捲成長條狀4) 發酵30分鐘5) 預熱焗爐180°c6) 麵包頂掃上蛋液，灑白芝麻7) 焗25分鐘 (10分鐘後用鍚紙蓋面防燶）8) 蒜蓉，蒜鹽，羅勒加入牛油溶液備用9) 麵包放涼後切片（唔好切到底）*但其實應該切開撻開再焗會好味d10) 打開麵包片，2邊掃上蒜蓉醬11) 150°焗7分鐘（最好比麵包索一陣味先入爐） ^排氣 ^擀平 ^根據模具寛度擀成所需大小，捲起放入模具進行二發 ^二發完成倍大2倍 ^焗爐預熱後掃上蛋液，灑上芝麻 ^放涼 ^麵包切片但留底，熱溶牛油後加入蒜蓉，羅勒，蒜鹽 ^每片掃上蒜蓉醬翻焗即成！禮成！屋企人個個大讚，如果想貼近Pizza Hxt 口味，蒜鹽可加1g，或蒜蓉直接改用現成蒜蓉醬，不過個人覺得會較咸）時間許可嘅話可以整埋Pizza 同焗雞翼～諗起都想食~
