疫情搞到冇得去旅行，唔好話日本，衣家連去趟澳門都實屬奢侈。其實澳門去過無數次，但次次都總要執幾盒杏仁餅返黎，可能咁先似去咗果個地方。前排呀媽搵隻杏仁餅，同佢行入價x棧，話唔係成日有貨，今次撞吓手神又比佢買到，原來老豆好鐘意食杏仁餅，熱愛到四圍見杏仁餅就買黎試，試到衣隻終於啱心水，話好香杏仁味咁話。既然係咁，又諗住自己試吓啦。參考咗幾個食譜，最終整合咗一個方便自己、簡單容易又好味既食譜出黎。ᴡʜᴀᴛ ᴅᴏ ᴜ ɴᴇᴇᴅ?(可做38-40塊）- 綠豆粉 250g- 杏仁粉 75g- 椰子油 65g (要用凝固嘅椰子油，天氣熱時要放入雪櫃）- 椰子糖 80g (可用糖粉代替）- 杏仁粒 30-40gᴛʜᴇɴ...1) 預熱焗爐180°c 將杏仁粒焗10分鐘 (小心焗燶）然後放涼切粗粒* 可以自己炒杏仁不過焗就可以空閒個人出黎預備其他野2) 搵個大兜倒入綠豆粉 + 杏仁粉3) 椰子糖加入少許清水攪拌完全溶化成稠糖漿4) 加入固態椰子油與糖漿攪拌均勻5) 混合物倒入（2) 以切𠝹手勢令油與粉大致混合6) 落手混合均勻7) 正常碎濕濕咁，手捏時成團就已OK此時可預熱焗爐140°c8) 鋪入少許杏仁粒後再加入粉團入模，施力按壓後脫模（脫模鬆散即力度未夠）9) 焗30分鐘放涼即可 (未完全放涼口感較濕同唔脆，唔洗擔心，放涼即刻鬆脆返哂！） ^ 每粒切幾片 ^綠豆粉+杏仁粉 ^ 只要溫度低過24°c，椰子油就會凝固 ^加入少許清水後攪拌至完全溶解成椰子糖漿 ^手掐成團就OK同場加映傳統木模，好似好專業，幻想可以做出似樣杏仁餅，點知拍出黎鬆散，但壓太實又拍到手跛都拍唔到 最終搵返聖誕姜餅人曲奇模出黎，話時話，又好方便。不過冇左杏仁餅個老餅feel🥲 平時除咗整蛋糕麵包曲奇，不妨試吓杏仁餅丫！
