Biiru 仲有一個星期就踏入17個月大，人大咗，有自己感受同要求，口味180°轉變，明明鐘意食嘅野又突然有點厭惡，係咁派比地下，媽Me 表示好頭痛，唯有重新再編過餐單（冒汗")先從下午茶小食小改進，之前一直都係自家製麵包仔、蛋糕仔、遇著媽Me 偷懶仲會有現成bb 餅...不過始終加工食物，就算講到幾天然幾有機，可能end up有一日又話驗出有問題，加上見佢衣2日開始出多咗隻牙仔（9th)，所以我認為可以開始接觸比較硬嘅食物試試水溫。(有d bb 出牙仔會感到不適，所以都係要視乎每個bb 狀態去調節）#bb版偽朱古力曲奇Bb 唔適合進食朱古力，以角豆粉代替，營養價值高，糖尿病人也可食用，而且色澤同味道都同朱古力好相似，用於烘培上真係一大幫手👍🏻ᴡʜᴀᴛ ᴅᴏ ᴜ ɴᴇᴇᴅ?-無鹽牛油 20g (室溫放軟）-砂糖 15g (用糖霜可使曲奇更幼滑）-角豆粉 5g-牛奶 10g-低筋麵粉 60gᴛʜᴇɴ...1) 糖加入牛油攪拌2) 加入奶&角豆粉攪拌3) 麵粉過篩 加入 攪拌至無粉粒4) 手搓至麵團有彈性 (太濕可逐少加入適量麵粉）5) 擀平約0.5cm 厚（視乎圖案大小）6) 放入已預熱170°c 焗爐 焗15分鐘 ．衣個狀態唔粘手擀完印到模已經OK，不然麵團太乾焗出來口感似餅乾焗到差不多夠鐘時我奶奶仲以為係朱古力曲奇😆（點呀都話BB 唔食得朱古力咯><）脆口唔硬，Biiru 初初要用少少力去咬，食落甜甜地，由於角豆粉本身有甜味，我覺得可以再落少d 糖至8g-10g你可能也感興趣：延伸閱讀【自己做健康牙仔餅】【隨時都能自己做烏冬】【新手都能做網紅蝴蝶結麵包．麵包機版】【甜蕃薯米條．BB路肯食飯點算好】【低糖戚風蛋糕 WorkFromHome肥咗？】『你我係在職懶媽媽，唔係專業煮婦，食譜就係咁簡單自問煮嘢唔叻，但又想落手整比BB，試下試下又一餐～』>>>>更多Biiru加固餐單>>>>神經媽媽の生活日常>>>>聯絡神經媽媽・鼓勵媽媽可以喺下面比個LIKE^^・覺得文章有用可按收藏
