今日係一個大人物，DuckGor🦆朋友生日🎂，所以七嫂🍎係六國酒店 粵軒book咗間房，仲安排咗一系列六國酒店1933懷舊菜式，真係好細心🥰。當日仲有幸見到中菜行政總廚張霖師傅👨🍳，張師傅仲即場講解每道菜嘅歷史、做法，真係獲益良多😍。銷魂叉燒拌金錢雞 銷魂叉燒 $228嚟得粤軒，冇理由唔試佢地嘅招牌叉燒🐖，叉燒燒得好靚🔥，肉質軟腍濕潤，油脂邊位焦香軟滑。金錢雞 $120（四件）金錢雞唔係雞😂 ，係將豬肉 肥豬肉 雞肝 串在一起，用叉燒汁慢火燒制，造成外脆內酥，爽口甘香😋。錦鹵雲吞 $178特別用咗可以炸嘅雲吞皮😍，入面包住叉燒粒，記得蘸埋海鮮糖醋一齊食😋。合浦環珠 $368 （六件）材料有合桃 鹹蛋黃 豬網油 蝦球，一定要點喼汁才能夠提出鮮味😍。砵仔焗魚腸 $198外層蛋皮焦香，入面嫩滑，加入了大量新鮮魚腸，而且洗得非常乾淨，所以完全唔腥唔苦澀😍，連本來唔鍾意食嘅朋友都大讚好食👍。鬼馬牛肉 $198鬼馬嘅意思，鬼=油炸鬼，馬=馬蹄，前者香脆，後者爽脆，再加上炒得嫩香嘅牛肉，十分惹味😋。鷓鴣粥 $398用鷓鴣肉🐦及雞肝🐓製成肉糜，再加入參薯慢煮成湯羹，味道鮮甜香濃，口感十分綿滑，是一碗需要手藝但沒有米的粥😋。桂花班捲 $698將石斑魚🐟切成一片片，蛋白墊底，蘆筍紅蘿蔔🥕，金華火腿及北菇🍄🟫，之後捲起，再打芡汁，口感豐富😋。上湯廣肚菜苗 $298菜苗口感爽脆嫩滑🥰，加上魚肚，瑤柱吸盡上湯精華，惹味又健康😍。百花白鴿 $298白鴿🐦起肉後，將鴿風吊乾後釀入蝦膠，最後再淋上用新鮮蟹肉🦀造成嘅芡汁，剩係聽都覺得吸引😋。穿蓮八寶鴨 $698 （一隻/ 需預訂）八寶鴨是傳統手工菜，烹調過程繁複。原隻肥美大鴨🦆先去骨再醃，在腹腔釀入炒香糯米、栗子、蓮子、紅豆、薏米、鹹蛋黃、冬菇、百合等食材🫢，之後炸至酥脆😍，再放入鍋內加入高湯蒸煮，令所有食材互相交融吸收。鴨肉長時間烹煮過後，肉質鬆化軟綿，味道鮮味無比🤤。娥姐蒸粉果 $60 娥姐粉果嘅皮不太薄但呈透明，因為如果太薄就會無咗咬口🥰。入面嘅餡料都非常豐富，有豬肉鮮蝦馬蹄、芫荽、紅蘿蔔、冬菇等， 口感非常豐富😍。六國倚玉麵 $338賣相非常吸引，面層鋪滿了帶子金華，火腿，冬菇豬肉，雞球和時菜。最正係伊麵，吸收哂上湯嘅精華，七嫂至愛。蓮蓉西米焗布甸 $60/位蓮蓉布甸熱辣辣又香滑😋，配搭香甜軟糯的西米，香脆的焦糖及幼滑的蓮蓉，口感豐富，味道香甜，食完大滿足😍。🦆粵軒📍灣仔 - 告士打道72號六國酒店1樓點擊圖片放大 +11
