Duck仔🦆我放完假就考試,休息埋今日都要開始專心溫書,正所謂三軍未動 糧草先行,今日一於叫阿爸🦆帶我去牛駅食返過放題先🤭。時間:1200地點:旺角 牛站(駅)麻辣火鍋放題一上到創興廣場2️⃣樓,發現全層都屬於牛駅,地方好大,唔單止地方大,人仲好多,平日12點鐘🕛人龍已經打咗一個圈。Duck哥:咁多人嘅?不如食第二間啦。我:多人唔緊要,最緊要係條人龍會郁,睇下郁得幾快,職員做嘢都幾快手。Duck哥:咁多人,排到去都無位啦。我:放心,我訂咗位。Duck哥:吓?幾時嘅事??平日午市放題任食4️⃣小時,真係有夠誇張,價錢都係由$168~$308,抵到咁就梗係要一早訂定位啦,我先至唔會博walk in。我建議阿爸揀中上價位嘅3️⃣號餐,湯底有🔟個選擇,新加入咗羊腩煲鍋底🐑,不過阿爸🦆麻麻地羊,嘥氣😴。加上佢又啱啱好返,都係唔揀秘製麻辣,揀返個椰子雞俾佢,我呢?話唔辣唔辣,神推鬼㧬之下叫咗個沙爹😂。(鴛鴦鍋 +$48)清甜椰子雞鍋 - 椰子味唔算重,但勝在夠清甜🥰。香辣沙爹鍋 -唔太辣,非常惹味😋。美國極黑和牛片任食放題 $218午市食物選擇唔多,肉類相對較少,不過唔緊要,最緊要係質素好,基本上我地只係主打以下幾樣嘢👇🌟美國極黑和牛片🌟美國安格斯牛板腱🌟美國特級肩胛肉🌟巴西牛脷托🌟手打蝦滑🌟手打墨魚滑美國極黑和牛片同理美國特級肩胛肉眼片🐂質素唔算,肉質軟腍有油香,有中上嘅水準😋。巴西牛脷托👅就爽口彈牙,只係細塊咗少少😆,我就一個人食咗三四十塊,阿爸就喪食美國極黑和牛,我都數唔到佢食咗幾多盒;另外蝦滑和墨魚滑真心出色。飲品方面亦非常多選擇🥰,除咗基本嘢外,啤酒🍺、清酒🍶、梅酒🥃都係任飲。甜品有我至愛Häagen-Dazs雪糕🍦,雀巢甜筒,其他仲有乳酪、芋圓、奶凍、蕨餅等🥰,我最鍾意食芋圓,一個人就食咗6️⃣杯。而家有仲加入咗糯米飯,蛇羹等食材任食,呢個價錢食足4️⃣個鐘,真係無得輸。如果平日2️⃣點後入座更加有全單8️⃣8️⃣折優惠,真係抵上加抵。推薦指數:🌕🌕🌕🌕🌖Duck仔語錄:難怪多人🦆牛站(駅)麻辣火鍋放題📍旺角 - 彌敦道601號創興廣場2樓點擊圖片放大 +9