VIP卡💳事件(有興趣可參考上個post)後翌日，阿仔阿女行埋嚟同Duck哥🦆講👇阿女：老豆你就嚟生日不如去Neko Puff去買個蛋糕🎂食啦。阿仔：新嘅荔枝味應該好食。Duck嫂(怒氣未消)：你去開銅鑼灣，就幫我去買個手袋，我轉頭俾相你。(...原來係相不是錢🥲)。鏡頭一轉，Duck哥已經身處銅鑼灣了，Neko Puff銅鑼灣店嘅佈置裝修係以貓貓🐱做主題，仲有埋貓貓🐱精品賣😍，但今次Duck哥🦆目標好清晰，就係佢地嘅世界冠軍🎖拿破崙。點擊圖片放大 +4 荔枝香檳果凍芒果拿破崙 $368拿破崙分別由3️⃣層酥皮+2️⃣層奶油組合而成，酥皮鬆化香脆，而且充滿牛油香味🧈。面層有又香又甜嘅新鮮芒果粒🥭同埋荔枝香檳🍾果凍，果凍口感Q彈，除咗食得出有荔枝味之外，香檳味🍾同樣突出😍，但同時又唔會互相搶走各自嘅味道🥰；中間和低層嘅奶油，輕盈綿滑空氣感重，再亦混入咗鮮芒果粒🥭，令口腔內充滿了滿滿的芒果香味和奶油味，Duck哥🦆自己覺得就好似一個世界級嘅芒果拿破崙，碰上最好味嘅荔枝香檳果凍。Duck哥🦆食咗一啖，正在回味嘅時候😋，枱面已經剩返個印有Neko Puff字眼嘅紙盒...我的生日蛋糕😭。點擊圖片放大 後記 -阿仔：都話新嘅荔枝味好食㗎啦。阿女：今次就咗阿哥，下次到我揀，唔~大福貓貓都好喎。Duck嫂：清理枱面，洗碗，倒垃圾。Duck哥：um...Duck嫂：Do you have any problems ?(女：收聲🤫，媽媽講英文了)Duck哥：唔敢...🦆Neko Puff📍銅鑼灣 - 霎東街33號智選假日酒店地下G04B號舖
