🦆老爹漢堡📍深水埗 - 欽州街65-71號榮業商業大廈地下B3號舖話說，一個對食好有要求嘅朋友同埋一個唔係好鍾意食漢堡包🍔嘅朋友，不約而同咁同Duck哥🦆講，話深水埗有間新開張嘅漢堡包🍔小店好好食。趁今日放假，就同阿仔去試下😆。小店唔難搵，喺深水埗黄金、高登附近，但因為店舖唔大，好易睇漏眼👀。堂食嘅話只可以坐到4️⃣個人，最多5️⃣個。好彩同阿仔早去，轉頭已經坐滿人🫢，仲有好多經唔同既平台落單外賣嘅人，但就只得老闆一個人🧒...再睇返餐牌📔，價格都幾進取，Duck哥🦆心諗2️⃣位朋友唔會跣我掛😂。 我同阿仔叫咗2️⃣個套餐，漢堡包有7️⃣款選擇再加1️⃣個期間限定嘅深水堡(笑)，至於小食就有6️⃣個選擇，可惜當日賣哂蕃薯條🍠和洋蔥圈🧅。所有食物即叫即做，即叫即炸，正如我之前所講，只得老闆1️⃣個人做，但係雖然有咁多堂食同埋外賣，時間分配得好好👏，完全冇浪費任何1️⃣分1️⃣秒，真心覺得厲害💪。最後等咗大約1️⃣5️⃣分鐘，但Duck哥🦆可以同大家講，呢1️⃣5️⃣分鐘絕對值得等🥰。點擊圖片放大 黑安堡套餐 $146先由個麵包開始講起，烘到金黄色🟡再加上塗了牛油🧈，外脆內軟；安格斯漢堡扒🍔夠哂厚身，入面肉汁超多超juicy😍；生菜🥬、蕃茄🍅、焦糖洋蔥絲🧅，所有配菜都做到一絲不苟，另外雞蛋🍳亦煎得非常之出色，一咬落去就流出蛋汁😍；最後要講個黑松露醬🍄，超級之香😍，無意中偷望到老闆喺用意大利🇮🇹嘅黑松露醬，如此不計成本，定價稍為高一點也算合理🥰。炸薯格小食揀了炸薯格，份量一啲都唔少，由於係即叫即炸所以份外香脆😋。 老爹招牌堡套餐 $136一上枱差啲俾佢嚇親，有我手掌✋️咁高，2️⃣塊安格斯漢堡🍔同樣厚身，同樣勁多肉汁，同樣juicy🤤，配菜和黑安堡一樣，另外仲多咗塊超長嘅煙肉🥓。但佢最大特色係醬汁另外奉上(有5️⃣款醬可以選擇)，要多要少自己話事👍，我就揀咗秘製漢堡醬，酸酸辣辣，非常惹味😋。炸燒賣(8件)燒賣大大粒，炸到金黃色🟡脹卜卜，外脆內軟勁好食😋。 飲品老爹冬檸🍋 - 甜中帶酸，甜度剛剛好😊，清爽解膩，食完油炸嘢之後飲，認真一流🥰。泰式奶茶🧋 - 同樣唔太甜，茶味香濃😋。 總括而言，食物用心製作，即叫即做，所有配菜都做到一絲不苟，絕對係Duck哥🦆食過最好食嘅漢堡包🍔之一。 後記：差啲唔記得，不得不提，枱面有成盒紙巾、濕紙巾和即棄手套，好貼心❤️。所有嘢都咁細心，良心小店點可以唔支持🫶。
