🦆雙月Les Lunes à Deux話說今日Duck哥🦆陪阿女去銅鑼灣買嘢，之後行經Fashion Walk，阿女見到雙月Les Lunes à Deux嘅月餅禮盒🥮，話個包裝好靚好吸引好高貴😍，係咁叫我一定晏買一盒返屋企俾媽咪😅..... 雙月Les Lunes à Deux 一向糅合咗法式🇫🇷甜品工藝及傳統製餅造詣嘅品牌，今年推出咗三款新口味嘅法式🇫🇷酥皮月餅🥮，講真，就算阿女唔講，我都諗住買返一盒俾全家share🥰。 特選酥皮月餅禮盒 $388流心奶黃酥皮月餅 x2️⃣蘋果肉桂酥皮月餅 x2️⃣流心伯爵茶酥皮月餅 x2️⃣ 禮盒包括咗3️⃣款唔同口味嘅月餅🥮，每款2️⃣件，全部酥皮酥酥脆脆，每啖都食到多層次嘅口感😍：流心奶黃 - 切開月餅🥮會發現幼滑嘅奶黃慢慢地流出來味道濃郁香甜🥰，連埋酥皮一齊食，好食到停唔到口😋。 蘋果肉桂 - Duck哥本身麻麻地肉桂🙈，一打開包裝，肉桂味好濃郁😔，真心有少少卻步，阿女點都要我食一啖，食落發現流心蘋果醬🍎搭上錫蘭肉桂餡又估唔到幾夾😋，食落酸酸甜甜又帶有肉桂香味，起碼抗拒肉桂嘅我都覺得幾好食🥰。 流心伯爵茶 - 伯爵茶🫖一向係Duck哥🦆至愛，香濃嘅伯爵茶再加上絲滑嘅流心白朱古力🍫，對我嚟講絕對一個完美組合😍，如果唔係俾Duck嫂🦆全力制止，我一定一次過食哂2️⃣件🤣。
