聽講呢近排陳記嘅個keyboard壞咗，佢舊果個keyboard就係喺新X登電腦商場2樓買嘅，咁就係一個都唔記得名嘅大陸造牌子keyboard嚟嘅！ 買嚟試下鍾唔鍾意用機械鍵盤嘅啫，咁用過之後發現~ 咦~ 原來都幾好用喎！！！無線,撳落去個感覺好FIRM,覺得打字都快咗！ 但佢接收方面開始有問題，打字果陣又有時出現鬼鍵,即係打一個字出兩次，仲有內置電池都壞壞地, 所以都係買過個更加好嘅！ 最近買咗keychron嘅k1無線機械鍵盤！ 咁我就喺網上面買嘅~ 因為而家疫情關係啦，就無得出街, 咁網購就最方便喇！咁我買咗大約三日就送貨嚟喇~咁而且網上買亦都好平，連運費約70幾美金，我再響網站搵到有10%off 嘅discount code 所以最終只係需要67個幾美金，折合港紙約530蚊左右啦! 咁而家我哋睇返入面有啲咩啦開箱文有啲spare cap帽、有個除cap器、跟住就係個好有分量嘅超薄keyboard! 因為個keyboard個底部係鋁板嚟嘅，咁所以打字打機粗魯啲都唔會怕移位，而且係半cap設計,間隔一目了然,如果有灰塵頭髮入咗去, 可以用壓縮氣罐輕易清理! 對比返舊keyboard 就明顯容易好多，舊keyboard要清理就下下都要除好多個cap!介紹返keyboard 上面幾個唔同嘅制，有windows / mac嘅切換制! 有cable / 藍芽嘅切換制，off 制就響cable 同藍芽中間嘅，咁自己選擇返相應嘅連線方法之後個keyboard就會著燈!首先開著電腦藍芽先，然後新增藍芽裝置，然後電腦就會開始search藍芽裝置，咁響個keyboard 度就要撳返Fn 1 4秒，之後電腦就會search 到個keychron k1 keyboard，然後撳返連線, 咁就會自動裝driver即時用得，順便介紹下d配件啦, spare cap帽都送唔少, 一陣示範點換! 仲有條USB-C線都幾dum本架，長度有1.25米左右，仲要有防干擾防雜訊設計,而家已經好少會見到! 線身用尼龍包住, 大大提高咗耐用度，而家我插返條線比大家睇下佢背光effect!插線位置係正常中間背位，插咗線之後亦會自動差電, 左上角會著紅燈而右上角有個制比你切換背光effect嘅，根據manual 一共有15個effect可以比你切換，跟返個人喜好設定啦, 佢仲有出7彩燈款式, 但就貴10美金!但陳記就唔太鍾意咁閃, 所以慳返少少買白燈算數, 由於我買果陣紅軸同茶軸都賣晒，我呢個keyboard係青軸嚟嘅! 大家可以響呢度按link 聽埋撳制聲，睇下啱唔啱自己! 陳記就覺得好鍾意, 因為舊果個都係青軸嚟，跟住落嚟就同大家示範下換cap，Keychron本身個出廠cap係比mac機嘅 陳記用windows咁就換返windows d cap上去啦! 佢送果個除cap器都幾方便易用，就咁插落去拉上嚟就拆到! 換返個新cap落去10秒都唔洗，咁今次分享就係咁多，如果鍾意條片嘅朋友呢，就記住訂閱同讚好或者響下面留言話我哋知啦 bye bye立即看足本Keychron開箱>> https://www.youtube.com/watch?v=VHfW6WdQHtE
